Castro de Rei 9.01.16
Jorge Galdo de Ekipa-Bítere
Tiña que chegar e
vaia si o fixo, auga a caldeiros, ríos a rebordar e campos asulagados que
forzaron a mudar o campo de fútebol vello de Castro de Riberas de Lea, polo
pavillón deportivo de Castro de Rei como escenario da sexta xornada da liga
regular de Billarda na conferencia NorLeste celebrada o pasado sábado día 9 de xaneiro.
Serpenteando e
buscando atallos, os carros cheos de palanadores foron chegando a destino, mais
non todos. Seica algún tivo que ficar na casa completamente aillado, agardando
que as augas baixasen de nivel, mais a fame de billarda dos palanadores da
Conferencia NorLeste fixo que a concurrencia fose abundante, mesmo ca achega de
algún valente da irmá conferencia do NorOeste.
Xosé Collazo da conferencia NorOeste deu mostras do seu bo estado de forma. |
Dando un pouco de
tempo para que ninguén quedase fora do bombo, deu comezo o sorteo e de seguido
o voo das billardas encheo po completo e
tomou posesión por primeira vez do pavillón de Castro de Rei.
Hervy coloca con mimo a billarda. |
Ata agora viñemos
xogando fora, en prado, e o cambeo para pista cuberta de cemento, trouxo aparexado
unha morea de resultados sorprendentes ou canto menos inagardados, de xeito que
moitos dos favoritos, víronse sorprendidos e deixaron ó final da xornada o seu casilleiro mais valeiro
de puntos que de costume. Markytos, Xermán, Kiko, Iván e Regueiro foron as
vítimas, sendo esta para eles, a peor xornada no que vai de campeonato. Pola
contra, Paula, Lola Eiras, Manolo, Carlos Alvariño, Oscar e nomeadamente Jorge
(que finalmente gañou a aberto), deron a nota positiva co seu acerto no día de
hoxe.
Jorge comenta con Isma unn lance do xogo. |
Sen prisa pero sin
pausa foi correndo a tarde billardeira entre risas, alguna cerveciña que outra
e por fin os tan agardados primeiros varados da tempada. Non era sin tempo que
os especialista se deixaran ver, e hoxe era o día. Con todo non se poden botar
foguetes, so sete, pero todos eles de tan bela feitura que desataron as gorxas
en atronadores vítores e fixeron que as palmas fumegasen en prolongados aplausos.
Isto é billarda: Paixón! Amizade! Sana competencia e Deporte!
Jorge foi un dos varadistas da xornada. |
O pavillón de Castro
de Rei foi muda testemuña da consolidación e subida ao estrelato dun novo
valor: Jorge Galdo acadou a mellor puntuación e gañou o aberto.
Regueiro non tivo a tarde en Castro. |
O xogador de
Ekipa-Bítere, sin estarabouzo ningún, viñase posicionando xornada a xornada con
unha aportación in crescendo para o seu equipo e foi desta volta quen rubricou
unha xornada perfecta facendo grande a un equipo que semellaba estancado e sen
visos de rexurdir.
Para o segundo posto,
catro empatados: Carlos Alvariño, Milio, Pepe Vidal e Daniel, que logo das tres
carreiras de rigor deixaron a Daniel como segundo clasificado
e a Pepe Vidal como terceiro e mellor xogador local.
Aquí temos que deixar constancia do mosqueo de Alvariño
que non tiña moi claro o sistema de puntuación, non é que chegase a sangue o
río, pero estas situacións deixan un pouco de mal gusto que podería fácilmente ser
evitado con so molestarse en leer o regulamento polo que nos reximos. Deuselle
unha copia do mesmo, que está colgado neste mismo blogue.
Carlos Alvariño dándoo todo. |
En donas, foi Geni a
primeira seguida de Paula e de Lola Eiras.
En canto a equipos,
“Billardeiros Musicais” gañaron por un so punto ós locais “O Cadaval”.
Os premios das
afamadas galiñas de Mos, foron entregadas os gañadores por o alcalde de Castro
de Rei D. Francisco Balado acompañado en todo momento por Mario do equipo
anfitrión.
A vindeira xornada será o 31 de xaneiro en Meira. Agardamos por todos.
No hay comentarios:
Publicar un comentario