4ª xornada da LNB NorLeste 2012-13

Un “Bull” ceibo arrasou en San Miguel

As choivas deron un respiro o domingo permitindo que o “III Aberto de Flores” correspondente a IV xornada da Liga Nacional de Billarda 2012-13, se poidera celebrar o aire libre en San Miguel.

O sol, que o comezo da tarde fería nos ollos dos palanadores foi apresa desaparecendo para deixar paso a unha brisa fría que de súpeto nos lembrou a todos que o inverno está as portas.

            As poucas horas de luz engadíase desta volta o difícil do terreo de xogo  que facía imprevisible o vo da billarda, polo que para axilizar e dar acabado ca luz natural montáronse tres pistas simultaneas nas que 53 bravos loitadores pelexamos deportivamente polas cestiñas de castañas que agardaban os campiós da xornada.

            Que a TV é unha fonte de información quedou mais que demostrado onte no campo da festa de San Miguel. A que naide sabía fai anos o que era o "CURLING"?  Pois bén hoxe en día estamos cheos de velo na caixa tonta e todos sabemos que se trata de un deporte practicado sobre pistas de xeo. Un home ou muller empurra unha cousa parecida a unha bola de pan con asa e outros homes ou mulleres van diante da bola basoirando no chan para que esbare mais. Onte, Muriego secundado logo por Suso Villarino dos "Remourelle Bulls" importaron para o noso deporte a moda de "basoirar o chan". Ao filósofo dos Bulls non tanto, pero a Suso funcionoulle  o invento. Non perdeu carreira, so cedeu dous empates na tarde. Imnovarse ou morrer que decía o outro!

Voltando o aberto, do mesmo xeito que a xornada pasada nos acompañaron o equipo dos “Corredoira”, desta volta foron os “Gharabotos” quenes desembarcaron no Norleste con toda a súa artilleria (nove palanadores veteráns algúns deles excompoñentes de Bateas que son os actuais  Campións Nacionais) e participapron con nos no aberto con moito acerto. Conseguiron, xunto cos “Remourelle Bulls” ser o millor equipo da xornada (os dous con 30 Puntos).

            As xa comentadas dificultades do terreo de xogo puxeron en apuros aos palanadores que unha e outra vez se vían sorprendidos polos irregulares e inagardados brincos das billardas. Outros peró, adataronse e aguantaron moi ben o tipo.

            Somentes un xogador fixo pleno nesta difícil xornada: Marcos dos “Remourelle Bulls” acabou con tódolos opoñentes que o sorteo lle deparou (10 puntos de 10 en xogo) escalando o mais alto do caixón de vencedores. Un primeiro posto moi loitado e merecido que dende fai tempo viña teimudamente perseguindo e acadou finalmente en San Miguel.

Con 9 puntos remataron Elena de “Os Outros” e Markytos de “billardeiros Musicais”. No desempate foi o bicampión nacional quen se fixo co 2º caixón rematando Elena como 3ª da xornada.

 

Os especialistas en varados desta volta non o tiveron doado, malia todo ainda se conseguiron cinco varados.

Ao remate da xornada e xa todos cheiños de frio, Manolo Flores como xefe de ceremonias fixo a entrega de tres cestiños de castañas e dos trofeos correspondentes.

Fúmonos abrigar sin saber a lista dos convocados para a defensa do Copo Cantábrico que se ha de xogar o vindeiro 1º de Decembro en Xixón.