2019/03/12

9ª xornada NorLeste. Tempada 2018.2019

Cortón festexa o Antroido gañando a tarta de Mondoñedo

O sábado 9 de marzo, nunha tarde de sol espléndida, a alameda dos Remedios de Mondoñedo foi paseniñamente enchéndose de palanadores listos para disputar a 9ª xornada da LNB NorLeste.
Equipo de Troitas Bravas "Vaia Tropa"
De entre a xente que se iba achegando (atraida polo desfile do antroido que estaba tamén a piques de comenzar) e dos xogadores que afinaban punteria golpeando as billardas cara o azul mentres agardaban o resultado dos sorteos, para dar comezo a xornada, foron aparecendo divertidas figuras: un simpático e moi logrado Charlie Chaplin, un bombeiro, un cirurxán, unha labrega, unha parella de mineiros..., ata unha fera. Eran os compoñentes de Troitas Bravas que viñan en plan comparsa. Ainda sin comenzar xa tiñan conseguido o primeiro posto en vestimenta. Parabéns por ese puntiño de humor. Sodes grandes.
Comenzaron as carreiras que se sucederon a bo ritmo, so interrumpidas de cando en vez por algún despistado, que se metía a cruzar polo medio das pistas de xogo sin ter en conta o perigo que corria, ainda que rapidamente e con grande estrondo era advertido e arredado do lugar polos xogadores.
                       
 Non foi unha tarde de grandes puntuacións, o adoquinado da alameda, desta volta fixo algún extrago e so oito xogadores foron quen de facer vinte ou mais puntos, destacando Cortón de Chainzos-Cadaval que tivo unha moi boa tarde e rematou gañando a xornada con vintetrés puntos. Segundo foi Chousa de Carabullo que se desfixo nun desempate de Manolo Pozo de Billardeiros Musicais.
Santi fixo o único Varado da xornada
Escasa e inusual neste terrero a colleita de Varados, so un tiro directo entre os dous postes do varal nesta xornada, que acadou Santi de Carabullo.
                       
En donas, empate no primeiro posto entre a campioa de Billardeiros Musicais, Geni e Ana de Chainzos-Cadaval, seguidas a so un punto de Lorena tamén de Chainzos.
 Na entrega de Premios, Geni recibiu de mans de Xermán un agasallo por ser a palanadora con mais xornadas de competición. Neste día cumpre a xornada número200. Parabéns e a seguir polo menos outras tantas.
Por equipos, gañan os Billardeiros Musicais de Ribadeo con 81 puntos e recortan cinco con respecto os líderes Carabullo, hoxe segundos con 76 puntos e terceiros os Troitas Bravas que fixeron 75 divertidos puntos.
E xa de seguido temos eiquí o Día das Estrelas 2019. Este ano toca a conferencia NorLeste a organización asi que o campo de fútbol de “a min a” de A Pontenova será o lugar donde as estrelas da Billarda das tres actuais conferencias, luzan e brilen con maior esplendor. Sera o vindeiro sábado 16. Sorte a Billarda semepre!

2019/02/08

8ª xornada de LNB NorLeste. Tempada 2018.19

         X Trofeo “Lacón de Meira” (II Memorial Xosé da Flor)

Meira,  3 de febreiro de 2019.
A neve acostuma a facer acto de presencia cando temos que xogar en Meira. Este ano non foi así, a temperatura non era excesivamente fría e lucia o sol,  pero as choivas dos derradeiros días obrigaron a facer uso mais unha vez do pavillón deportivo para a disputa da  oitava xornada da LNB Norleste.
 
Moi boa presencia de planadores con representantes das outras dúas conferencias, que veñen de cando en vez e acostuman a pillar algún dos premios en liza, mais desta volta a súa actuación non pasou de medianeira, sendo Juan Carlos o mais destacado.
Enrique, xogador de Campo da Feira
 Entre os cincuenta e catro palanadores destacou a actuación da mais xoven  compoñente dos Carabullos, Irea (na súa primeira participación nesta tempada), que acadou a segunda posición das féminas so superada pola campionísima Geni.
Tamén voltou as pistas Xermán, un dos pioneiros que esta tempada ten algo descoidada a súa presencia nos abertos da LNB. Viuse que non se lle esquenceo manexar o palan. Tivo unha boa actuación.
Xerman, moi portexido contra o frio
Ainda que o ambiente era frío, o esbaradizo chan do pavillón de Meira facilitou unha boa xornada de varados, igualouse a marca da tempada conseguida na terceira xornada no pavillón de Trabada con 33 tiros directos sendo os mais acertados nesta sorte do xogo David Navallo, Markytos e Pepe de Outeiro con tres dianas cada un.
David Navallo,  un dos mellores da xornada en VARADOS
Os moitos candidatos a victoria final foron reducíndose ata quedar na derradeira carreira do xogo so Markytos con posibilidades de ser o gañador da xornada, mais un erro inesperado do tricampión nacional, permitiu que Charli e Manolo o igualasen a puntos.
No desempate entre estes tres grandes palanadores Markytos (Billardiros Musicais) non deu chance, gañou as tres carreiras con dous varados incluidos (que non contabilizan) e fíxose con primeiro posto. Segundo foi Manolo (Troitas Bravas)  e terceiro Charli (Carabullo).
Deixamos constancia desta nota so polo feito de que tres membros da familia gañasen tres abertos seguidos non deixa de ser un dato canto menos curioso.
 O tricampión fixo bo o dito popular "de tal pau tal estela". Primeiro foi Geni en Ribadeo (pavillón de S. Miguel), logo Daniel en Castro de Riberas de Lea e xa que logo tocaballe a Markytos, que fixo o propio hoxe en Meira.
 
 En donas gañou Geni (Billardeiros Musicais) seguida de Irea (Carabullo) e de Paula (Chainzos-Cadaval).
Isma quixo participar do triunfo por equipos e colouse entre os Campións de hoxe.
En equipos a victoria de Markytos permitiu que os Billardeiros Musicais de Ribadeo, foran os gañadores da xornada ainda que estaban empatados cos Carabullo de Ponte de Outeiro a 80 puntos. Terceiros foron os Troitas bravas de A Pontenova.
Antes da entrega de premios, Xan Rodiño, da conferencia Rias Baixas, quixo en nome de toda a LNB  agasallar a dous palanadores en recoñecemento ao seu compromiso co xogo da billarda. Suso Villarino dos Remourelle Bull sor cumplir a sua xornada núm. 100 e a Daniel de Billardeiros Musicais neste caso por cumplir a súa xornada num. 200 ca LNB.
Entre aplausos e cedendo o clamor popular de "que se biquen, que se biquen!", os dous veterans fundíronse nun abrazo e, porqué non?, tamen se bicaron.
Rematou a xornada ca entrega de premios: o consabido lacón para o Campión Markytos e sendas bolsas con viandas varias (outras partes do porco) para o resto dos gañadores.
A seguinte xornada a 9ª, corresponde xogar o  Trofeo da tarta” será en Mondoñedo o 9 de marzo, en pleno entroiro. Billarda sempre! Adiante co Varal! 

2019/01/26

7ª xornada da LNB NorLeste. Tempada 2018.19

                                       Castro de Riberas de Lea 12 xaneiro 2019
Daniel ou o rexurdir do Asterix da billarda
No vello campo de fútbol de Castro de Riberas de Lea, disputouse a 7ª xornada da LNB  da conferencia NorLeste, que foi o “IX aberto da Pita de Mos”.
Lorenzo acompañounos nunha tarde excelente, menos fría do que se agardaba e so  algunha pequena rachiña de vento amolaba un pouco os mais de medio cento de palanadores que se achegaron en busca das afamadas galiñas de Mos.
Xogar en herba non é doado, nembargantes, o chan ben segado atopábase en perfectas condicions e naide presaxiaba unha xornada tan cativeira en puntuacións. So cinco palanadores acadaron 20 ou mais puntos, o resto quedaron moi por baixo do seu normal rendemento.
 No medio desa xeral debacle, xurdiu a figura dun dos mais veteráns palanadores da LNB que en non poucas ocasións ten bicado os laureles da fama e acadado importantes podios no mundo billardeiro. Habitual nos primeiros postos, Daniel (o “Axterix” da Billarda) deu todo un recital de habilidade e destreza no xogo conseguindo un pleno de 25 puntos, que o fixeron sair como gañador da xornada e dar un chimpo ata o primeiro posto da xeral.

Soamente Regueiro, segundo con 23 puntos e Pepe de Outeiro, terceiro con 22 p. foron quen de seguir de perto o ronsel do ribadense Billardeiro Musical. 
Por parte das donas, aguantaron o tipo Geni e Paula que siguen por ese orden ao fronte da clasificación ainda que hoxe, Lola Eiras foi a mellor. Esta palanadora de raza ten a desventaxa de faltar a moitos abertos, o que la alonxa de estar nos primeiros postos. Calidade ten de sobra para loitar cas mellores.
           
En equipos, Troitas Bravas iguala a Carabullo e supérao por mellor puntuación individual. Un desexado triunfo longamente buscado perante toda a tempada que finalmente consiguen. Terceiro equipo foi Billardeiros Musicais.
Non estaba o día hoxe para varados, os especialistas tentárono mais sin éxito, so un fenomenal golpe de Markytos levou a billarda a rentes do varal mais, que magoa, botouse pola parte de fora.
Rematada a xornada, acompañando a Mario do clube de bolos “O Cadaval”, estivo D. Francisco Balado, alcalde de Castro de Rei, que fixo entrega dos agasallos aos gañadores:
Galiña de Mos para  1º Daniel de Billardeiros Musicais, 2º Regueiro de Troitas Bravas,1º palanador local Pepe de Outeiro de Chainzos-Cadaval (coincide co terceiro posto), 1ª dona Lola Eiras de Polka Miseria.
Dúas duceas de ovos para 1º equipo Troitas Bravas de A ponteneova e unha dúcea de ovos  para o 2º equipo Carabullo de Ponte de Outeiro. 
A vindeira xornada será o domingo 3 de febreiro no aberto do lacón de Meira. Parabéns e billarda sempre.



 

2018/12/20

6ª xornada da LNB NorLeste. Tempada 2018.19


XII aberto do Galo. Ribadeo 16.12.18

A billarda “en clave de muller” Geni Gran Campioa

O campo de fútbol da Faxara non estaba en condicións de xogar por mor da cantidade de auga caía perante os días anteriores e daquela a sexta xornada da LNB NorLeste correspondente o “XII Aberto do Galo”  tivo que trasladarse para o pavillón cuberto de San Miguel. 
      Xornada moi disputada e con cincoenta e catro participantes en total, na que tódolos palanadores acadaron altas puntuacións, sendo con moito a mellor xornada da tempada (en canto a puntuación se refire) e que se resolveu sorpresivamente con un desempate final catro.
Marcador simultaneo made in "Muriego"
      E digo sorpresivamente porque a xornada iba sobre rodas para Muriego.“ A Billarda é como unha caixa de bombós, nunca sabes con que che vai tocar” palabras textuais do tapiego que se viron reflexadas na derradeira carreira, cando iba de pleno e con tres varados na súa conta: tocoulle o bombón mais ruin e todo o traballo ben feito ata daquela, estragouse de golpe. Hoxe era merecedor de acadar os laureles do trunfo, mais as aprichosas fadas non llo permitiron, nembargantes sabemos que a constancia é unha das virtudes terrenais de Muriego e por eso tamos certos que o seguirá tentando ata acadalo.
Geni mentras arbitra, busca as debilidades dos rivais.
Mencion aparte merece GENI, unha das máis laureadas xogadoras da LNB que sempre hai que ter en conta e que de forma merecida gaña por primeira vez unha xornada na Conferencia Norleste. Xa o tiña feito nas outras conferencias e en torneos de veran non puntuables pero ata agora non lo tiña conseguido na súa conferencia en xornada oficial.
 Foi nun vibrante desempate con Daniel, David Navallo e Santi, donde fixo gala da súa experiencia sacando proveito das oportunidades que se lle presentaron e foi na derradira carreira, cando sacou proveito. Os rivais quedaron a media pista e sendo ela quen pechaba rolda, tentou o varado e saiulle perfecto. Gañou con peche de ouro. Segundo foi Daniel e terceiro Santi, quedando David Navallo en cuarto lugar.
As donas manteñen o seu nivel, destacando hoxe Lorena e Lola Eiras amais da campioa Geni. Maricarmen, Sandra e Sara na súa liña e algo mais frouxa Paula que perde a primeira posición en favor da hoxe campioa.
En equipos, empatados Billardeiros Musicais e Carabullo (gaña B.M. por mellor posto individual), seguidos de Chainzos-Cadaval e de Troitas Bravas, ámbolos dous tamen cos mismos puntos pero a oito dos primeiros. Mais lonxe quedan Remourelle Bulls, Billarda Verde e Polka Miseria.
No tema de varados, foi unha abundante colleita a de hoxe en San Miguel. En total foron 21 tiros directos destacando Muriego e Chousa con tres dianas cada un.
Os agasallos para os campión da xornada consistiron en:
O Galo (mais unha vez patrocinado por Limpiezas José Manuel alias “Mondoñedo” ó que agradecemos a súa implicación na billarda) e mais uns surtidos de Nadal para a campioa Geni.
Mondoñedo e os tres gañadores da xornada.
Para o segundo, terceiro e tamen para o mellor equipo uns lotes de Nadal.
A liga regular tómase un descansiño ata xaneiro, mais antes de pechar o ano, temos unha cita o 29 deste mes no Memorial Pepe da Flor que se vai celebrar en Meira.

Billarda sempre! BO NADAL E ANINOVO FELIZ PARA TODOS!

2018/12/07

5ª xornada da LNB Norleste. Tempada 2018.19


Xan Rodiño racha co dominio de Carabullo

Dende a tempada 2013.14, a liga regular de billarda non organizaba xornada puntuable na cidade das Murallas. O retorno foi no parque fluvial do Miño, un escenario perfecto para disputar esta quinta xornada no “VIII Torneo cidade de Lugo”.  organización correo a cargo dos compañeiros de Madia Leva, cos que colaboraron activamente os equipos de Polka Miseria e Billarda Verde, para que todo resultara a pedir de boca.
Tres campos de grandes dimensións con terreo tirando a blando e con algo de humidade, que dificultou mais do agardado o desenrolo do xogo, de xeito que nas derradeiras carreias mas que ver, tiñase que adiviñár por donde iba a billarda. Cabe subliñar o bo comportamento dos palanadores afectados que se viron perxudicados por a falta de luz. A billarda é eso: a mal tempo boa cara!
Unha setentena de participantes con desembarco masivo da conferencia NorOeste que mandou dez representantes dos equipos de APB Santa Marta, Campo da Feira e Malpica-Cochiqueiros para medirse con nos así como outro dos que de cando en vez se achegan por acó, o gran Xan Rodiño do equipo Lúa de Forza (Rias Baixas) que nos ten un grande apego e non soe voltar de vacio.
 
         O comenzare cun considerable atraso por causas alleas a organización e a lentitude nas carreiras fixo que a luz natural fora esmorecendo e as últimas carreiras dalgún grupo, así como, os desempates para o podio xogáronse as escuras, so alumeados por algún móbil dos propios palanadores que de lonxe semellaban unha presada de lucecús revoloteando no ar.

           O equipo de Carabullo foi o mellor da xornada, e a piques estivo de conseguir a quinta victoria individual consecutiva e a segunda de Charli, mais topouse nun desempate con Xan Rodiño, e como nas Rias Baixas oscurece mais tarde, o de Ponte de Outeiro non tivo nada que facer; rematou segundo. Terceiro foi Sachas noutro desempate as apalpadas con Chousa.
As donas moi ben, destacaron Sara de Polka Miseria e Ana de Carbullo, esta derradeira na súa primeira participación esta tempada. Logo Ana e Lorena (Chainzos) e Lucia (Bulls).
En equipos Os Carabullo dominaron tamén por riba de Billardeiros Musicais e de Troitas Bravas afianzándose na primeira posición da taboa.
Vistosos metacrilatos foron os agasallos para todos os campiòns da xornada, que  a oscuridade total obrigou a que se entregaran baixo a luz dunha farola.
A vindeira proba billardeira será a disputa do “XII aberto do galo de Ribadeo” o domingo 16 de decembro.  Será si o tempo o permite no campo de Fútbol da Faxarda e si chove no pavillón deportivo de San Miguel de reinante. Billarda sempre!

2018/11/13

4ª xornada da LNB NorLeste.Tempada 2018.19


4ª xornada da LNB NorLeste. San Miguel  10.11.18

Vai por ti compañeiro

   O tren da LNB con rumbo ao campo das Valgas de San Miguel de Reinante, tivo que desviar rumbo e dirixirse o pavillón deportivo donde se disputou a 4ª xornada da conferencia Norleste. Malia que a tarde era de bonanza, a choiva caida  a mañan (choiva caida xa xobre mollado), fixo imposible xogar sobre terreo de herba.
Antes de comenzar tivemos un sentido recordo para un compañeiro que nos ten dado moitas tardes de alegría e que desgraciadamente nos deixou moi cedo. En silencio e cos palans guindados no chan gardamos un minuto de silencio por él: Jorge Galdo, ganáchete un posto de honra na LNB e sempre estarás con nos. Descansa en Paz amigo!...
Fíxose o sorteo dos grupos, mais algo se torceo que fixo atrasar o comezo das carreiras mais do habitual, quizás o cambeo horario tivo moito que ver neste atranco; a favor que o xogar en pavillón, a falta de luz natural non nos iba amolar moito. Así pois, deuse a saída nun terreo ben coñecido por todos de xeito que se acadaron unhas puntuacións moi elevadas e sin grandes diferencias entre os palanadores, ao contrario do que soe pasar noutras superficies de terra ou herba.

Salientar o feito de que Albino dos Carabullo estase a consolidar como un sólido aspirante o podio final, a súa de hoxe foi una excelente actuación gañando con solvencia e encaramándose así o primeiro posto da clasificación, como si tal cousa, co seu pito na boca e ca súa tranquilidade, como si a cousa non fora con él. Especial mención tamén para Milio dos Bulls que fixo segundo, ainda que o veterán xogador dos Bulls si expresou sonoramente a satisfacción polo éxito da xornada. E unha gozada velo disfrutar cando o xogo se lle da ben contaxiando a todos ca sua ledicia. Terceira foi Geni (Billardeiros Musicais) que acadou un merecido terceiro posto na xornada malia a xogar algo mermada por mor dun menisco tocado que lle esta a dar bastante lata.
Moi boa a que xa ben sendo habitual prestación das donas en xeral, Paula (Chainzos-Cadaval) que atravesa un gran momento de forma, comenzou con dous varados e so o floxear na derradeira carreira permitiu que Geni cunha moi regular actuación a superara por dous puntos. Carme (Troitas Bravas) foi outra das mais destacadas e quedou terceira
En equipos, Billardeiros Musicais fixeron una boa xornada e gañaron por primeira vez en solitario esta tempada. Foron seis os  puntos de vantaxe sobre Troitas Bravas e Chainzos-Cadaval co que recuperan o segundo posto na xeral. 
Houbo tamén unha boa colleita de “varados” de todas-las feituras, algúns moi bos e outros que entraron guiados pola deusa fortuna, pero a sorte tamén se busca e as veces atópase ainda sin tela buscado.Todos puntuan de igual xeito sempre que a billarda traspase a liña de varal. Destacaron nesta faceta Milio, Muriego, Paula, Pepe de Outeiro e Regueiro con dous varados cada un. En total foron 17 os tiros directos.
Para a entrega de premios estivo presente o xefe do Servicio Provincial de Deportes de Lugo Manuel Otero Méndez (Manolo Cadramón), quen dirixiu unhas poucas verbas os presentes para agradecerlles e animalos a seguir traballando na recuperaciòn dos xogos tradicionais.
A vindeira proba billardeira será a disputa da XII Copa Cantábrica en Piedras Blancas (Avilés) o sábado 24 deste mes e xa para seguir ca liga regular agárdanos a 5ª xornada en Lugo o 1º de decembro. Saúde e bilarda sempre!