3ª xornada da LNB NorLeste. Castropol 25.10.2026

Sachas non deixa catar as Ostras 

      Para disputar a 3ª xornada da LNB NorLeste, a serpe multicolor desprazouse a terras asturianas  no “V Aberto Villa de Castropol”.

Trofeso preparados para os gañadores

        Eolo fungaba sin xeito disposto a seguir man tendo a marca de ser este un dos abertos mais duros e complicados da tempada. Desta volta non choveo non, mais ventou arreo e as billardas lanzadas cara o Varal, rara vez seguian o dirección axeitada.

    Malia todo, os esforzos de Karolo & company na preparación dos campos e na organización, fixeron esquecer tódalas dificultades. O resultado: un fermoso día de billarda de camaradería e de pasalo ben. Parabéns a tódolos participantes (40 homes, 14 donas e 3 cativos), que mais unha volta, demostraron que a billarda non se rende e sae con ben de calquera atranco que se atope por diante.

    Comenzaron as carreiras con case tódolos favoritos por diante. Albino, Antóm e Luis con pleno nas dúas primeiras, e o de Madia Leva ainda fixo tamén pleno na terceira, mais a modiño foron perdendo folgo e foron adiantados pola destra, por tanto Sachas cuanto Charli e Morás que finalmente foron os que conformaron o podio con 22, 21 e 21 puntos.

    En donas, Antía, que daba un brinco e estreaba categoría, comeza, tal e como facía en infantis, mandando e acadando o seu primeio podio, a bravísima Cris foi segunda e a non menos brava Aroa,  terceira.

    Nos infantis, o conto de sempre e mais agora que non teñen a competencia de Antía,  Mateo e Martin  foron primeiro e segundo, terceiro Mateo Lesmes.

    En equipos os ribadenses Billardeiros Musicais, van a concerto por aberto, seguen moi ben afinados e manteñen un forte ritmo gañando por terceira volta, a corta distancia teñen a Troitas Bravas e Madia Leva.

    Antón, concelleiro de Deportes, encargouse da entrega de agasallos ós gañadores e deste xeito demos por finalizada outra fantástica xornada billardeira.

  A vindeira xornada agárdanos en Lugo o 15 de novembro. Billarda sempre e adiante co Varal!

2ª xornada da LNB NorLeste. tempada 2026.27

                                    ISMA EN PLAN CAMPIÓN, ARRAMPLA CO LACÓN 

 Na 2ª xornada da LNB NorLeste celebrada o 18 de outubro de 2026 en Ribadeo, o tempo portouse como un servidor exemplar: solazo e ata unha bendición en forma de chuvichiño para que todo andase de rechouchío no campo de Outeiro da Devesa, no XIX aberto de billarda “Vila de Ribadeo”, corespondente a segunda xornada da LNB da conferencia NorLeste.

Uns xogando, outros agardando

Os 66 palanadores (48 homes, 14 donas e 4 cativos), puxéronse a darlle paus con ganas a billarda. Semellaba que quixeran esnaquizala de vez.

Murimarcador

Segundo pasaban as carreiras ibanse aclarando os aspirantes o título, Markytos e Félix por Billardeiros Musicais, Isma e Charli por Carabullo e Morás por Media Leva eran os candidatos, con Carlos de Castiñeiro Milenario, Mieres de Billardeiros Musicais e Noé de Troitas Bravas tentando darlles caza.

Os tres mosqueteros de hoxe

Sen presa pero sin pausa, Isma foise amosando como o campión que é, e con 24 puntazos, levouse o lacón e unha sonrisa de orella a orella, deixando os outros catro que mais se acercaban (23 puntos), loitando entre eles pola dúas plazas restantes do podio.  Markytos e Morás por este orden foron os acompañantes do gran campión da xornada.

Geni-Vanesa-Aroa

As donas tamén se portaron e luciron neste aberto. A musical billardeira e tetracampioa Geni deo a de cal xunto con Vanesa (Castiñeiro Milenario). As dúas empataron no primeiro posto secundadas de perto por a tamen Billardeira Musical, Aroa

Podio infantil con Morás facendo de Mateo Lesmes

 En infantis de novo os “troitiñas” Mateo e Martín deixaron claro que non hai quen lles tusa (so podería facelo Mateo Lesmes, mais hoxe non tuvo inspirado), repiten podio, sendo desta volta o terceiro chanzo para Laura de Rachaventos.

Billardeiros Musicais

En equipos foron os mariñáns Billardeiros Musicais os que  fixeron un concerto perfecto, marcando a diferenza e deixando aos seus rivais a cantar na ducha. Con 86 miraron dende arriba os seos inmediatos seguidores, os Troitas Bravas (76 p.) e Madia Leva (75 p.). Con este triunfo a mais de consolidarse primeiros na xeral, colocan como primeiro e segundo a Markytos e Félix na taboa clasificatoria.

E logo, tras tanto esforzo, a peza final:  uns petiscos e a entrega de premios para rematar a xornada en modo festa.

Temos que rematar agradecendo o Concello de Ribadeo nas personas de Silvent e mais Iván, a súa colaboración para poder dispoñer dun magnífico terreo de xogo e como no á Carnicería San Miguel pola sua generosa aportación. Graciñas

 O vindeiro domingo día 25, agárdanos unha nova xornada en Castropol (Asturias). Billarda sempre e adiante co Varal!

1ª xornada da LNB NorLeste. Tempada 2026-2027

                                       I Xornada da LNB NorLeste tempada 2026-2027

IX  ABERTO DAS NOCES. CASTROVERDE 13.09.2026

SO PODE  QUEDAR  UN!

    O domingo 13 de setembro baixo un sol de xusticia, no campo Veiga do Olmo de Castroverde, comenzamos unha nova tempada billardeira que promete ser das mais esixentes e competidas polo gran nivel amosado.

    Setenta e un palanadores non xuntamos neste primeiro encontro (46 homes, 17 donas e 8 cativos) houbo notables ausencias de palanadores  veteráns, pero tamén moitas caras novas que se xunguen a esta tolemia da multicolor serpe da LNB  e prometen  espectáculo.

    Damos a benvida as novas incorporacións e agardamos que sigan formando parte desta familia.

     Segundo acordamos na xuntanza de pretempada, voltamos o sistema antiguo sin límite de golpes e abofé que se notou nas altas puntuacións acadadas.

    Para o podio absoluto, foi preciso acudir o desempate entre tres grandes que acadaron cadanseus 25 puntos. So un podía gañar e así quedou a cousa: 1º Chousa (do novo equipo Liber Pol), 2º Antom de Madia Leva e 3º Sachas Sachas de Troitas Bravas. Este último foi quen de  acadar o primeiro varado da tempada.

    Por equipos, en principio triple empate  a 85 puntos, mais comprobadas as puntuacións, viuse un erro que (unha vez comprobado) deu como gañadores  con 86 puntos, os mariñáns Billardeiros Musicais, sendo Madia Leva e Troitas Bravas os acompañantes no podio.

    En donas, o retorno de Cris de Castiñeiro Milenario, (xa recuperada dunha lesión) non puido ser mellor: gañou  a súa categoría por riba da sua compañeira Nedi e de Fina (Billardeiros Musicassi) que remataron en igualdade de puntos.

    En infantís, hay un trío de “pequenos-grandes” palanadores que teñen como propio o podio xornada tras xornada. Non son outros que os irmans troitiñas Mateo e Martín (primeiro e terceiro) e Mateo Ledesma de Madia leva (que se meteu entre os dous como segundo).

    Rematado o encontro, en trega de premios os gañadores e comida de irmandade no campo da feira. Parabéns a Billarda Verde pola organización e os agasallos  e a todos en xeral polo bo ambiente que preside tódolos encontros. Vémonos en Castropol . Billarda sempre e adiante co Varal!

IV GRAN ABERTO NACIONAL DE BILLARDA

 GUNDAR!  GUNDAR!  GUNDAR!

        O campo de fútebol do Atletico Fátima de O Castiñeiriño volveu converterse nunha gran festa da billarda grazas á Asociación O Varal e á colaboración de Xogos Tradicionais de Compostela. o domingo 31 de maio de 2026, nun día soleado e cheo de bo ambiente, a competición reuniu a numerosos palanadores para vivir unha xornada emocionante de principio a fin.

    Pola mañá disputouse a fase de grupos, da que saíron os 32 clasificados para as eliminatorias da tarde, con casi tódolos aspirantes presentes salvo algún que se despistou e quedou fora. Xa quedaron definidos os podios infantil, de varados e por equipos. En infantís dominio total dos Troitas Bravas. Mateo culminou a gran tempada subindo o mais alto por riba de Antía e de Martín (tres promesas xa feitas realidade. Parabén rapaces! 

    Acadouse un so VARADO, algún disparo mais cheou a traspasasr o varl mais pola parte de fora. So Manu Caldeiro foi quen de acertar polo medio e medio do varal. o finalista do ano pasado converteruse no CAMPIÓN DE VARADOS 2026. Parabéns!

     En equipos os campións da conferencia NorLeste, "Troitas Bravas" de A Pontenova non deron chance e revalidaron título, por diante de Billardeiros Musicais de Ribadeo e de Madia Leva de Lugo (ainda que estes empatados a puntos cos Carabullo de Ponte de Outeiro).

    Xogouse a final femenina cas catro que acadaron mellor puntuación: Antia, Geni, Dori e Milagros, pasando a final Antía e Geni e disputando o terceiro posto Dori e Milagros, que recau na de Ribadeo.

    Na final, a xoven Antía demostrou que está en moi boa forma, mais a presión de xogar contra a tricampioa fixo que o seu brazo tremara cando mais firmeza necesitaba e rematou contentándose co segundo posto. A veterana Geni seguiu facendo historia ao proclamarse campioa por cuarta vez. 

    Tras o relaxante xantar con música e recital de poesias, chegaron as eliminatorias decisivas. Despois de intensos enfrontamentos, donde se foron caendo palanadores, chegouse a unha finl entre dous dos  grandes, Basilio que ainda que floxeou algo perante a tempada, hoxe demostrou porqué estaba entre os mellores da LNB e Gundar, que fixo unha gran  tempada  e hoxe foi o terror dos Billardeiros Musicais, chipou fora o tricampión Markytos, lgfo o actual Coroceiro Felix e na final a Basilioe convertendose no novo Coroceiro e recibindo a coroza de mans do anterior campión, Félix. O terceiro posto foi para Sachas qie lle gañou a Félix.

     O trunfo de Gundar foi acollido por todos con grade alegria, pois é un gran xogador que vai repartindo alegría en cada golpe, valente e grn compañeiro. PARABENS GUNDAR!

Gundar co seu equipo Madia leva

    A entrega de premios contou coa presenza da concelleira de Deportes, Pilar Rueiro, e tamén de Keli e Diego, fillos do lembrado Mario. Unha vez máis, a billarda demostrou a súa forza como deporte e como punto de encontro para amizades, tradición e diversión.

    Parabéns a todas e todos os participantes, e longa vida á billarda! 

XII xornada da LNB NorLeste. Remourelle 9 de maio de 2026

                               NAVALLO CAMPION DA TEMPADA 2025.2026 

     En Remourelle pechouse a tempada billardeira o sábado 9 de maio co "XVI Aberto do Coello de Suso"  nunha tarde completa: primeiro calor, despois auga e ao final frío… só faltou neve e xa tiñamos as catro estacións nunha mesma partida. 

     Como xa se sabía, o peixe estaba máis vendido ca as entradas dun concerto gratis, e así foi: Sachas chegou inspirado e soltou dous “Varados” que deixaron á competencia mirando para Cuenca, proclamándose campión de varados da tempada. 

    O Mago de Castropol, líder sabía que tiña abonda fariña vella no costal e foi tranquilo, sen despeitearse, mentres Markytos intentou meterlle presión a Gundar e o conseguiu… empataron a puntos no segundo posto, mais o regulamento e claro e por maior número de xornadas gañadas (viva o regulamento berrou gundar!) o do mandilón de capador gañou o segundo posto da xeral e xa que logo o tamborileiro quedou redobrando no terceiro posto e coa sensación de “case”.

    Na xornada o campión foi Sachas, con 29 puntos, seguido polo Musicail Billardeiro de Ribadeo, o tricampión nacional Markytos e o debutante Sampaio que estrea podio e amiaza con acostumarse a él.

                             

    En categoría feminina, Aroa, Geni e Alba repartiron estopa billardeira da boa e coparon o podio.

    Nos infantís, Antía despediuse da categoria infantil e mandou con autoridade, deixando detrás a Mateos (campión infantil da tempada) e no terceiro posto Mateo Ledesma gañoulle a partida a Martín. Saian a pista empatados e o lucense de Madia Leva mais serio e tranquilo, puido superar  o inquedo e bulideiro troitiña. 

    Por equipos, Troitas Bravas e Billardeiros Musicais acabaron tan fortes que xa lles andan mirando para fichalos na Champions da billarda: 89 e 87 puntos meteron no saco. Madia Leva quedou terceiro… pero con honra e probablemente con fame de mais.

     Non faltaron unhas palabras do presidente de O Varal, Xerman e do Sr. Alcalde Dani Vega, en recordo de Suso, que foron acollidas con sun sonoro e prolongado aplauso.

    E finalmente houbo entrega de premios co Sr. Alcalde e o benxamín Martín (entusiasta e espontáneo colaborador) que repartiron máis trofeos ca nunha olimpíada de andar pola casa. E mención especial para Lola, auténtica MVP da tarde cos torrezmos e as farangullas, porque sen comida non hai deporte que aguante.

     Graciñas  repartir para o equipo anfitrión os "Remourelle Bulls" para o Concello de Ribadeo e demás colaboradores do aberto. A seguir dando caña e preparar o Gran Aberto de Santiago para o vindeiro 31 de maio. Mentres tanto saude e Billarda sempre. Adiante co Varal!

11ª xornada da LNB NorLeste. Ponte de Outeiro 25 de abril de 2026

                                                 Toitas Bravas, suma e sigue

         No XII Aberto “A Terra non se vende” en Muimenta, os Troitas Bravas seguen coa súa ditadura deportiva: gañan máis que o Madrid dos mellores tempos, pero con máis barro e menos peiteados con xel. O sol acompañou, logo refrescou —coma sempre, o tempo tamén xogou o seu partido— e todo ficou máis ou menos como estaba: os podios xa case con nome e apelidos.

        Gundar levou a vitoria, con Markytos e Milio rifando o segundo e terceiro posto nun desempate máis tenso ca un cable de tender roupa. 

        As Troitas Bravas coroan a clasificación, seguidas polos Billardeiros Musicais e Carabullo, que seguen á espreita por se cae algunha vara milagrosa, mais esta tempada todo o peixe está vendido.

        Nas donas, Aroa e Geni (as “rockstars” da billarda) lideran, con Juncal pisando forte e apuntando a máis podios. 

1ª Aroa, 3ª Juncal, 2ª Geni

        En infantís, ningunha sorpresa: Mateo e Antía —os Troitiñas de ouro— seguen mandando con paso firme, e Mateo Ledesma loitando polo terceiro posto da xeral infantil, que de monmento empata no terceiro posto con Martín. Remourelle dictará sentencia.

        Todo queda servido para o gran final en Remourelle o 9 de maio, onde se decidirán os últimos podios e, o máis importante, se degustará a torrezmada oficial da tempada. Porque se hai algo máis serio ca unha final de billarda... é o terceiro tempo.

        Billarda sempre, e adiante co varal!

10ª xornada da LNB NorLeste. Riotorto 12 de abril de 2026

                                                  OS  BILLARDEIROS  MUSICAIS  MOI BEN  AFINADOS 

       En Riotorto vivíuse unha batalla épica pola gloria billardeira, con 56 heroes (e heroínas) armados de paláns e moito orgullo. O tempo frío non deu tregua e a choiva, educada ela, decidiu aparecer só ao final, como quen chega á festa para facer o photocall da entrega de premios.

       No duelo principal, Morás e Marcos deron golpes á billarda como se lles fose o alugueiro nese pau. Tras tres empates que fixeron suar ata o varal, Morás levou o gato (ou a billarda) á auga. O bronce foi cousa de veteranos teimudos, e Santi acabou levando o posto con máis suspense ca unha serie da TVG desvancando a Daniel e mais a Carlos.

        Nas donas, Dori proclamouse raíña do varal tras un desempate digno de final olímpica, gañando a Vanesa e terceira foi Milagros.

        Nos infantís, Mateo —o irreductible— pasou por riba da competencia con máis autoridade ca o profe cando manda calar, seguírono o outro Mateo e mais o gladiador Martín.

        Por equipos, os Billardeiros Musicais afináronse mellor que nunca e ainda con algunha disonacia, interpretaron unha moi boa sinfonía. Gañaron por diante dos Troitas Bravas e Madia Leva, que prometeron voltar con mais gañas e as billardas afiadas.

        Agora todos miran cara Ponte de Outeiro, onde a seguinte xornada promete máis golpes, máis emoción… e seguro que algunha choiva “bautismal” máis. Billarda sempre, e adiante co Varal!