VI
Aberto da Tarta de Mondoñedo. Mondoñedo 21 febreiro 2015
Os Billardeiros Musicais gañan con
apuros en Mondoñedo.
Chegamos a Mondoñedo chovendo. Desa choiva que non é forte pero que lle fai a un cabrear polo persistente e pegañenta. Ó pouco clarearon os ceos e semellou que se iba quedar una boa tarde. O barruzo voltanba de cando en vez, pero con menos forza e permitiunos xogar sin mais contratempos.
A
gran cantidad de disfraces, grupos, chargangas, parellas…, que se deron cita en
Mondoñedo para tomar parte no desfile de Carnaval, axudaron a espantar o persistente
barruzo que ameazaba con botar por terra
o traballo de tanta xente amante da troula.
Xa que logo o desfile deu comezo ca
participación especial dun trouleiro-billardeiro que logo da súa participación
a fume de carozo no aberto de billarda, tirou co palán e pillou as maletas para
xunguinse ó pintoresco desfile. O que levaba dentro das maletas queda o maxín
de cada quen. Disque malia os indicios de fuga, non traspasou a fronteira e xa
está de volta preparando o Aberto de San Rosendo..
A
carón do desfile, na Alameda dos Remedios, medio cento de palanadores loitaban
por se facer ca victoria na VIII xornada da LNB que se estaba a disputar e sin que o paso das mascaritas interrumpira
o desenrolo do xogo, os palanadores aproveitaban os momentos de espera para
botar un ollo a tanto colorido que fixo desta unha xornada moi especial e
vistosa.
Chegados
do NorOeste e representando os billardeiros de Laracha, disfrutamos da compaña
de dous grandes palanadores: Xosé Collazo e Xulio Vilas, que xa nos tiñan
acompañado noutras ocasións e quixeron acompanarnos de novo. Graciñas pola
visita ainda que seguramente a Guti non lle fixo demasiada gracia enfrontarse a Xulio Vilas co que perdeu na derradeira carreira que lle faltaba para acadar o pleno. Sexa como sexa, sempre é un pracer contar ca visita de palanadores doutras conferencias.
Loita sen cuartel a desta tarde, tanto “O Cadaval” cuanto “Carabullo de
Teixo, apertaron os puños e puxeron moi
difícil a victoria dos “Billardeiros Musicais” que en todo momento sentiron na caluga o forte alento dos seus perseguidores e tiveron que sudar para
finalmente impoñerse con 31 puntos por 30 dos seus contrincantes mais directos. Un so punto que foi dabondo para sentir o cheiro de botelo que agardaba dono.
No
eido individual, destacar os tropezos de Markytos, David, Pepe Outeiro (que arrastraba una pequeña doenza), Guti ... e subliñadamente o mal día de Santi. Deste xeito e como cabía esperar dos tres equipos mais fortes da competición, tres plenos. Cada un deles colocou un representante no desafío final. Tres finalistas
que quedaron en dous xa que Charli de “Carabullo de Teixo” tivo que marchar e
quedou por tanto relegado a 3ª plaza.
En
tres carreiras Daniel de “Billardeiros Musicais” gañou e acadou o primeiro
posto por riba de Pepe Vidal de “O Cadaval” que foi segundo.
A
famosa tarta de Mondoñedo, en tres formatos distintos, foi entregada como
trofeo ós gañadores do Aberto. No caso de Charli recolleuna Santi, arestora non temos novas de si chegou sana e salva o seu destino ou sufriu algún tiño de atentado polo camino. Para o equipo gañador un botelo da Fonsagrada.
Santi recolle a tarta de Charli |
Agardamos
por todos na nova enganchada ALLS STAR 2015 en O Pino- Santiago o vindeiro 14
de marzo.
No hay comentarios:
Publicar un comentario