Santi, vence e convence no "VI
Aberto do Lacón de Meira".
A choiva e o vento impediron que a Praza do Convento de Meira se convertera por
un par de horas no taboleiro de xogo para a disputa da VII xornada la liga
regular de billarda, polo que a serpe multicolor da LNB tivo que buscar abeiro
no pavillón de deportes.
Contra
as 15:30 h., comenzou o sorteo dos cincuenta e seis palanadores que se presentaron nesta xornada e mentres se agardaba coñecer cada quen os rivais de turno, comenzaron a voar as billardas que iban e viñan dun lado a outro polo ar, como se dunha vandada de paxaros se tratara e formaban un paraugas de madeira de infindos cores que pouco a pouco se desfacía en anacos e caia o chan.
Na primeira carreira da tarde quedou patente que
era xornada propicia para os varados xa que Cortón (de O Cadaval) abriu o
camiño e fixo o primeiro; logo, ainda que o tentou, non puido repetir sorte,
pero outros si o fixeron destacando Markytos con tres e Lois Pirucha con dous.
En total foron dezaseis os tiros directos acadados, a segunda mellor marca da
tempada.
David nun lace do xogo observado polos compañeiros. |
O
bo comezo dos palanadores de “O Cadaval” e algún tropezo dos seus rivais mais
directos (Billardeiros Musicais), fixeron imaxinarse os primeiros que era o
momento de vengarse da aldraxe sufrida en cancha propia na derradeira xornada,
pero a deusa fortuna, as fadas ou as meigas, vai tú a saber, achegáronse os
mariñáns e trocaron a sorte duns e outros, de tal xeito que no ecuador da
xornada as augas voltaban o rego e
igualábanse as puntuacións que finalmente caeron do lado dos músicos
Billardeiros que voltaron a gañar como equipo, ainda que so polo pequeño marxen
de dous puntos.
Tocante
os enfrontamentos individuais, a pista rápida acostuma a dar algún que outro
susto, e no pavillón de Meira non podía ser doutro xeito, mais dún dos
favoritos quedou aparcado na cuneta producto dalgún tropezo inesperado ou do
acerto dos rivais, chegando invictos ao final da xornada e polo tanto donos do
podio tres palanadores. Entre eles se xogaron en tres carreiras o caixón ó que
terían que subir.
Dous veteráns moi acostumados os laureis e un novato con
gañas de acomodarse entre os mellores: Santi de “Carabullo de Teixo” que
finalmente foi o primeiro gañando as tres roldas de desempate, Markytos de “Billardeiros
Musicais” que foi segundo e Iván de “Pena Verde” o terceiro.
Iván
acadou un merecido premio ao bo facer e, quen sabe si foron os nervos e a
inexperiencia de medirse con dúas estrelas, os que lle impediron subir algún
escalo mais. Un palanador a ter en conta daquí en diante.
Tamén
subliñar ás palanadoras Geni, Geles e Sara. A primeira é xa veterana na
competición. Temible rival para calquera, home ou muller. Domina tódalas
superficies e ten gañado xa mais de un aberto. As outras dúas son primeirizas
na competición, pero deselvólvense moi ben e xornada a xornada mantéñense nos
primeiros postos. As tres, e por ese mismo orden comandan a xeral en donas.
Lola
Eiras e César, mais coñecido por Cascarillas, anfitrións do Aberto ós que se
xuntou Flores pola LNB, fixeron entraga dos agasallos correspondentes, que
facendo honra as datas do antroido que se achega, consistiron nun lacón,
cachola, costela, chourizos, grelos e patacas para os tres primeiros e para o
equipo da xornada. Que aproveite o cocido! Vémonos en Mondoñedo
No hay comentarios:
Publicar un comentario