Aberto de San Rosendo. San Miguel 04.03.17
Nesta V edición e ca cordinación
do gran selecionador nacional Manolo Flores, xuntou unha nómina de recoñecidas
estrelas da mariña e da chaira a que se xunguiron novos palanadores ca
intención de dar moita guerra nun futuro mais perto que lonxano.
Carlos, nova incorpooroación |
Como non
podía ser doutro xeito, os novos palanadores recibiron o seu bautizo
billardeiro cunhas pingas de choiva que a piques tiveron de trasladar a disputa
do aberto cara o pavillón de deportes; mais foi so un aviso para o que viría
mais tarde (lóstregos e un ar enfurecido que levou por diante o escenario da
orquestra e fixo suspender a festa), que nembargantes nos permitiu xogar ao ar
libre no campo da festa.
Algúns dos participantes cos premios. |
Na final impúxose un gran Xermán (o que tivo, retivo), que aproveitou un erro de Daniel para facerse co primeiro posto, terceiro foi Manolo Pozo.
A entrega de premios do gran Abertinho do “San Rosendo 2017” correo a cargo de Flores asistido por José Iravedra (coñecido por Peque, gran valedor e impulsor deste aberto) que entregaron ao “Ekipa-Bítere” Xermán Viluba o espectacular Lacón de seis kilos que o acredita coma campión absoluto. A súa dereita Daniel coma segundo clasificado, cá cachola de porco e a esquerda, Manolo Pozo cas dúas ristras de chourizos coma terceiro clasificado, ámbolos dous de Billardeiros Musicais.
Parabéns para tódolos palanadores e para a organización, que xa están pensando na vindeira edición para mellorala e facer deste aberto un referente da billarda do NorLeste.
Si es neto
ou neta, pai ou mai, avó ou avoa…non o dubides mais: Ven xogar a billarda con
nos!
Eiquí non
discriminamos a nadie. Todos somos válidos e loitamos polo mesmo: recuperar a
billarda e pásalo bén.
No hay comentarios:
Publicar un comentario