De
novo as billardas brúan no ar!
Como preludio da nova tempada
billardeira, comenzamos en Remourelle adicando os primeiros golpes en lembranza
dun bravo palanador, pioneiro na recuperación deste noso xogo-deporte no “III
Memorial Calvete“. Un puñado de amigos que compartimos tardes de xogo con él,
acompañados da súa viuva Carmiña, rendímoslle unha merecida homenaxe ao tempo
que dábamos o pistoletaxo de saída a liga 2018/2019 que comenzaría o día
seguinte en Castroverde.
O domingo 16 de setembro, como queda
dito, arrincou a nova tempada da liga regular no campo de fútbol de
Castroverde, donde os compañeiros da Asociación cultural “A chave das Noces”
(seguindo o exemplo de Poio (Pontevedra), que foi o primeiro), tamén inauguraron
un campo específico e permanente para a práctica de billarda.
Equipo "Billarda Verde" no campo de billarda |
Tarde expléndida na que se xuntaron 55
palanadores para disputar os primeiros puntos en xogo, entre eles, tres
Campións da liga das Rías Baixas, Begoña, Ricar e Xan Rodiño que estiveron con
nos.
Xan Rodiño fixo entrega a cinco palanadores da nosa conferencia (Daniel, Franco, Geni, Markytos e Xermán) de unhos diplomas conmemorativos por ter superado os cen encontros en liga.
Na foto falta Xermán que nun puido acudir. |
E de seguido LUMEEE!
Por distintos motivos, algún dos
equipos presentou baixas que mermaron as súas
posibilidades pero ainda e así a participación foi moi boa.
O campo de herba, ainda que moi ben
acondicionado, nono puxo doado. Habilitáronse tres pistas simultaneas nas que as
billardas con mais ou menos fortuna, sucaban o ar en busca do varal. Non houbo
varado ningún, os especialistas rondaron preto mais sin fortuna.
Quen mais quen menos foi deixando polo
camiño algún que outro punto chegando ao final das cinco carreiras regulamentarias
con Albino (do equipo Carabullo) como gañador con 23 puntos de 25 posibles.
Segundo foi Xan Rodiño con 21 puntos e para o terceiro posto xogouse un desempate
entre Corton (de Chainzos-Cadaval), Manu (de Polka Miseria) e Oscar Trade (de
Billarda Verde), ambolos tres con 20 puntos. Corton foi o mais regular e quedou
en terceiro lugar.
En donas, espectacular actuación de
Paula (de Chainzos-Cadaval), que estivo moi atinada nun campo difícil, superando
a Bego (Corredoiras de Bueu) e a Geni (Billardeiros Musicais).
Por equipos, comezan no primeiro posto
os Chainzos-Cadaval, vencedores da xornada con 72 puntos, segundos Troitas
Bravas con 70 puntos e terceiros Billardeiros musicais e Carabullo con 67
puntos.
Entregáronse os premios os gañadores e
rematamos en perfecta camaradería dando conta duns petiscos e unas birras
compartidas.
Antes da segunda xornada en A
Pontenova, teremos un encontro no festival “Son Labrego” de Chantada o vindeiro
sábado 22 deste mes de setembro. Billarda sempre!
No hay comentarios:
Publicar un comentario