A Cadeira 27.10.18
Gran “Carabullada”
en Trabada.
No alto da Cadeira o frio e a neve obrigaron a desprazar a terceira
xornada da liga regular da Conferencia Norleste para o pavillón deportivo de
Trabada donde as billardas saen a fume de carozo esvarando polo chan.
Mirando como quedan os grupos no tabuleiro |
Inevitable pois que este lugar cuberto servira para inaugurar o casilleriro
de “Varados” e de forma contundente pois fixéronse un total de trinta e tres
dianas directas con Coedo, Charli, Regueiro e Santi como máximos artilleiros da
xornada (tres varados cada un deles).
Xornada excepcional a que protagonizaron as donas, todas elas alcanzaron un
nivel altísimo. Mención especial para Paula, Lorena e Ana, gañadoras en donas
por ese mismo orden e que ca súa excepcional xornada tiraron do carro de
Chainzos-Cadaval no que os pesos pesados do equipo non sobresairon e pasaron
sin pena nin gloria.
En equipos, Os Carabullo son os donos absolutos, gañan esta terceira
xornada por equipos e consolídanse como serios aspirantes a destronar os
sempiternos Billardeiros Musicais que por primeira vez na historia baixan ao
terceiro chanzo da xeral ao ser superados tamén por os Troitas Bravas.
Comentando mentres se agardan o turno. |
Moi boa actuación de Troitas Bravas e de Remourelle Bulls e moi meritoria
tanto a de Billarda Verde como a de Polka Miseria que maila a súa corta
plantilla de palanadores están dando a talla en todo momento.
Manu moi entregado. |
Salientar por extrana e inusual a irregular actuación dos B.M. que notaron
en demasía a falta de Markytos. Naide se lembra xa cando foi a derradeira vez
que remataran unha xornada fora do podio o que leva a pensar si será realmente
esta, a tempada en que os Musicais mariñans deixen de tocar a súa triunfal
melodia.
Luis Saavedra en periodo de adaptación o novo equipo. |
En individual Charli (actual campión da conferencia NorLeste) ainda que
tivo que desempatar con Suso Coedo que lo igualou a puntos, foi o gañador poñendo
o peche de ouro a gran xornada dos Carabullo, que por terceira volta consecutiva
se impoñen en individuais, po terceiro posto foi tamén o carabulleiro Albino
quen se impuxo noutro desempate con Chousa, Milio e Sachas.
A xornada estivo moi competida e acompañada polo estrondoso o petar do
granizo no teito do pavillón que de cando en vez facía a súa aparición e deixou
completamente cuberto de blanco os campos arredor do pavillón.
Entrega
de premios ós gañadores e amodiño fumos saindo cada un para o seu lugar
satisfeitos de unha nova emocionante e moi competida xornada billardeira.
Parabéns a todos e a festa billardeira seguirá en San Miguel o vindeiro sábado 10 de novembro ca
cuarta xornada desta tempada.
No hay comentarios:
Publicar un comentario