Castro de
Riberas de Lea 11.01.2020
Xan
Rodiño gaña mais Regueiro non afrouxa
Na 7ª xornada da LNB acadouse o maior rexistro histórico de participantes
na conferencia NorLeste. Un total de 86 palanadores disputaron no vello campo
de fútbol de Castro de Riberas de Lea o “X aberto da Pita de Mos”.
A conferencia NorOeste estivo amplamente representada con dez palanadores.
Tres do equipo “APB Sta. Marta” de A Laracha: Merche, Xulio Vilas e Roi.
Cuatro de “Campo da Feira” de Paiosaco: Collazo, Xulio Ponte, Enrique e Montes.
Tres de “Filloas
de Sangue” da Coruña: Lois Fontán, Gándara e Landras.
Pola conferencia Rías Baixas acompañounos o todoterreo
Xan Rodiño, do equipo “Lúa de Forza” de SanXenxo.
Malia a bonanza do tempo e que o campo se atopaba en boas condicións, as
puntuacións foron algo cativeiras. So oito palanadores fixeron vinte ou mais
puntos, os locais Regueiro e Charli que afianzan a súa posicion no primeiro e segundo lugar da táboa e un de cada unha das conferencias visitantes, Xan Rodiño e Collazo.
 |
| Regueiro e Charli de poder a poder . |
O podio que saiu do desempate, disputado baixo luz artificial, quedou
repartido entre as tres conferencias: gañador Xan Rodiño (Lúa de Forza),
segundo Collazo (Campo da Feira) e terceiro Charli (Carabullo). Regueiro non
disputou o desempate. Marchou satisfeito con manterse primeiro e sin ceder terreo a Charli que sigue segundo a seis puntos.
Por equipos dominaron amplamente os Carabullo con charli, Chousa, Migho e Javi Morán con 20 ou mais puntos, o que lles permite desprazar a Troitas Bravas (a ausencia de Sachas notouse en demasía) e compartir o
segundo posto con Chainzos-Cadaval, a so dous puntos dos Billardeiros Musicais que seguen
o mando. Calquera destos catro teñen potencial dabondo para clasificarse e acadar
o campionato pero un, ten que quedar fora daquela agárdase unha loita titánica ata
final de tempada.
Irea, a benxamín de Carabullo, mantén a boa forma que a levou a acadar o
terceiro posto en Santiago e xoga de ti a ti cas veteráns, foi a mellor das
donas destacando por riba de Ana, Geni e Paula que so puideron seguir a súa estela no día de hoxe.
Os infantís van paseniño mellorando a súa participación, tanto en número
como en calidade; destacaron Marcos (Troitas Bravas), Aroa (Billardeiro
Musicais) e Diego (Madia Leva).
Polos anfitrións, Chainzos Cavadal, cabe subliñar a actuación de Cortón
como mellor xogador local
Galo de Mos para 1º Xan
Rodiño (Lua de forza de SanXenxo),
Galiña de Mos para Collazo (Campo da
Feira de Paiosaco) como 2º.
Para Irea (Carabullo) como mellor dona.
Para
Cortón (Chainzos-Cadaval) como mellor xogador local.
Dúas duceas de ovos para 1º equipo Carabullo
de Ponte de Outeiro e unha dúcea para os locais Chainzos-Cadaval como 2º equipo.
e a Rubén que acadou o único varado da tarde.
O remate da xornada, D. Francisco Balado, alcalde de
Castro de Rei e Mario do clube de bolos “O Cadaval”, encargáronse da entrega
dos agasallos aos gañadores:
A vindeira xornada xogarase o domingo 2 de febreiro no
aberto do lacón, “III Memorial Pepe de Meira”. Parabéns e billarda sempre.
No hay comentarios:
Publicar un comentario