XI Trofeo “Lacón de
Meira” (III Memorial Xosé da Flor)
OS TROITAS BRAVAS ANIMAN
A COMPETICION
Logo de voltas e mais voltas, non foi posible atopar donde xogar fora. O equipo local xogaba na casa o domingo día 2 de febreiro e daquela o campo de fútbol estaba ocupado.
Disputouse
no pavillón deportivo de Meira a oitava xornada da Liga Nacional de Billarda da
Conferencia Norleste e de novo a
participación foi moi numerosa; desta volta foron 80 os palanadores que se
achegaron para a disputa do torneo do lacón (57 homes, 16 donas e 7 infantis).
En
individuais o triunfo foi para Noé que gañou sobradamente cun pleno de
vintecinco puntos, seguido de Xan Rodiño con vintetrés e para o terceiro
estaban empatados, Charli, David Navallo e Regueiro con vintedous puntos, Charli foi o mais
efectivo nas carreiras de desempate e acadou o terceiro chanzo do podio.
En
donas, Paula non puido manter a súa regularidade e a musical billardeira, Geni que
sin presa pero sin pausa viña remontando nas derradeiras xornadas, deu o golpe
de gracia hoxe e volta a estar primeira, que é o seu lugar natural tempada tras
tempada. Segunda foi Lola Eiras (Billarda Verde) e terceira Vero
(Chainzos-Cadaval).
En
infantís foi Marcos (Troitas Bravas) o mais atinado, seguido de Aroa
(Billardeiros Musicais) e de Mateu (Madia Leva).
En
equipos, ós Troitas Bravas saiulles a conta redonda xa que ós vintecinco puntos
de Noé sumáronlle os vintedous de David Navallo e de Regueiro e os vinteún de
Toño para facer un total de 90 puntos co que borran a negativa actuación da
anterior xornada en Castro, igualan a marca acadada polos Billardeiros Musicais
na terceira xornada da tempada e ainda que siguen fora apertan a clasificación
para quedar a so dous puntos da terceira plaza e a cinco do primeiro posto.
Segundo e terceiro foron Billardeiros Musicais e Carabullo ámbolos dous con 79
puntos a once dos campións de hoxe.
Antes
da entrega de premios, Xan Rodiño, da conferencia Rias Baixas, quixo en nome de
toda a LNB agasallar a un novo palanador
en recoñecemento ao seu compromiso co xogo da billarda: Ismael de Crabullos
cumpliu a sua xornada núm. 100 en conpetición oficial. Parabéns
Rematou
a xornada ca entrega de premios: Houbo lacón para os tres primeiros
clasificados, para a primeira dona Geni (que acadou tamén vintedous puntos) e
para o primeiro equipo os Troitas Bravas de A Pontenova.
Para
a novena xornada, estreamos escenario. Desprazarémos ata Riotorto donde por
primeira vez se fará un encontró de billarda da LNB e xa temos a Sachas en pleno proceso de meditación para que este aberto saia como ten que ser e que os Troitas sigan subindo postos cara a clasificación para as finais de Santiago. Parabéns a tódolos palanadores e billarda
sempre. Vémonos.
No hay comentarios:
Publicar un comentario