Charli e “Carabullo” dominan en Mondoñedo
O sábado 12 disputouse no campo de fútbol “Viñas da Veiga” de Mondoñedo a quinta xornada da LNB NorLeste. E vai aló unha década dende que por primeira vez as billardas da LNB cruzaban os ceos da alameda dos Remedios.
A suspensión da xornada anterior, foi razón mais que xustificada para que os palanadores debeceran por xogar, e quizás, foi motivo de que moitos se precipitaran no golpexo da billarda perdendo efectividade. As puntuación non foron tan altas como era de agardar nunha tarde moi axeitada para a práctica deportiva e co do terreo de xogo en excelente estado.
Emocionante e loitada
de poder a poder, a xornada cumpriu e Mondoñedo foi testemuña do nacemento
dunha nova estrela billardeira.
MATEU, un dos
benxamíns da conferencia (do equipo de Madia Leva de Lugo), acadou a segunda
mellor puntuación da tarde xunto a Daniel de Billardeiros Musicais (22 puntos
cada un) con que disputou o segundo e terceiro posto do podio. Finalmente non
puido co campión nacional, mais deulle guerra, gañoulle unha carreira e forzou
un novo desempate. Primeiro foi Charli de Carabullo con 23 puntos acadados.
En donas Irea
(Carabullo) con 19 puntos seguida de Aroa (Billardeiros Musicais) con 18 e de
Tania (Troitas Bravas) con 8 puntos.
En infantís, dominio de Mateu (Madia Leva) segunda Aroa e terceiro Diego (Madia Leva).
O triunfo de
Carabullo en equipos, permítelle dar un chimpo e comandar a clasificación
xeral, segundo Billardeiros Musicais e terceiro Madia Leva.
O seleccionador Manolo Flores xunto con Merce de Mondoñedo, fieron entrega aos gañadores das tartas de rigor.
A vindeira cita será o sábado 5 de marzo2022 co aberto de Flores en
San Miguel de Reinante. Sorte a Billarda sempre!
No hay comentarios:
Publicar un comentario