7ª xornada da LNB NorLeste.

                                    MADIA LEVA FAI HISTORIA EN CASTRO

     O II Aberto do Miño de billarda arrancou como mandan os canons do inverno galego: cunha néboa que non se vía nin a billarda nin ao veciño da pista do lado. Aquilo parecía máis un campionato de orientación que de precisión. Pero pouco a pouco o ceo foi collendo confianza, a néboa levantou o pano… e ata saiu o sol, coma se tamén quixera botar unhas tiradas.

Comenzamos case a tentas

    O campo estaba algo mol —desa molladura traizoeira que che fai dubidar entre zapatilla ou bota de pesca—, pero deixaba xogar. Iso si, houbo máis imprecisións do habitual. Quizais o corpo estaba afeito á épica da choiva horizontal e ao vento lateral, e co bo tempo a xente xa non sabía nin como se collía o palán. A billarda, caprichosa ela, tamén notaba o cambio climático express.

Paseniño Lorenzo xunguise a festa

    En equipos, os lucenses de Madia Leva fixeron honra ao nome e levaron o aberto para a casa, gañando por primeira volta un aberto na súa corta historia billardeira. Tiña que chegar e chegou. Parabéns. 

    Morás estivo en plan campión total, afinado coma un reloxo suízo pero con retranca galega. Pisándolle os talóns, o tricampión nacional Markytos —que xa non compite, administra o respecto— e o local Bonxe, que xogaba na casa e quería deixar claro quen manda no Miño.

2ª Vanesa - 1ª Vivi - 3ª Delia

   Na categoría feminina, Vivi fixo a xogada do día: chegou de última… e acabou primeira. Estratexia mestra ou remontada histórica, iso queda para os analistas. Tras ela, Vanesa e Delia completaron un podio con máis emoción ca unha final de Champions… pero con paláns.

                                    

2º Mauro - 1º Mateo - 3º Adrian

    En cativos, Mateo segue na súa liga particular: non dá opción a ninguén. Se a billarda tivera DNI, xa poría “propiedade de Mateo”. Por detrás Mauro e Adrián, loitando e aprendendo, que o futuro vén pisando forte (e lanzando mellor).

Billarda Rio Miño, equipo anfitrión

   Mención especial para os anfitrións de Billarda Río Miño, que organizaron o evento de marabilla. E para Pepe Outeiro, mestre de cerimonias na entrega de premios, poñendo orde, humor e seguramente algún comentario con retranca dos que quedan para a historia oral do varal.

3º Bonxe - 1º Morás - 2º Markytos

   En resumo: néboa, sol, campo mollado, precisión discutible e ambiente inmellorable. A billarda segue viva, teimuda e con ganas de festa.

"Madia Leva" gañadores da xornada

Vémonos na seguinte en Bretoña para gozar do pulpo.  Billarda sempre, e adiante co Varal!