8ª xornada "III Aberto da Tarta"

Co día que estaba, de seguro que saian os coscos, pero na serpe multicolor da LNB non temos concha e cada un  protexese da auga como pode, algúns, disque ata a beben, pero coido que son os menos; mentres haxa viño, a auga para as ras. Daquela  e logo d'unha concienzuda ollada o terrero de xogo por unha boa parte dos palanadores,  decidiuse dar aviso urxente para o troco de pista e tirar cara o pavillón deportivo de San miguel.

Con un pequeño retraso por mor do cambio de esceapero a cuberto do incesante barruzo, deu comezo a 8ª xornada da LNB con mediocento xusto de palanadores. Moi ledos ca incorporación dun novo equipo a nosa competición. 

Os Cochikeiros de Cerceda, que xogan na conferencia NorOeste mandaron en representación a dous dos seus compoñentes, Antón e Berdillo que tiveron unha boa actuación na súa primeira incursión billardeira nas terras  mariñans e dalgún xeito supliron o oco deixado por“Os Batea” (que tiñan tamén xornada puntuable na súa conferencia nai, a conferencia Salnés, e desta volta non se desprazaron.

Tarde axeitada para os especialistas en varados, pero o que ten cú ten medo e con so tres xornadas por diante para cerrar a tempada regular, vese que os palanadores prefiren non arriscar mais do necesario e tentan asegurar os puntos que os metan na clasificación para as finais nas pistas de terra batida de Conxo. Na mesma pista que ten o mellor rexitro da tempada con catorce varados acadados na xornada 4, desta volta só se fixeron sete tiros directos, quedando extranamente sin mollar  Eric, o actual xefe na clasifica, do mesmo xeito outros especialistas como Markytos ou Charli tampouco fixeron varado ningún.

O xogo desenrolouse con moita normalidade ainda que como sempre non faltaron  as sorpresa non agardadas que amolaron a uns e deron ledicia a outros. Disque os debutantes da conferencia NorOeste chegaron eiquí co gallo de estudar as posibilidades reais que teñen  no ALL STARS que se celebrará o vindeiro domingo día 11 en Cerceda (A Coruña). Xa poden dar fé de primeira man do potencial co que se van atopar.  

Non se procucen grandes cambios nas clasificacións. Guille, que se está a marcar uns pasiños de samba no seu Brasil natal, como lóxicamente se pode adiviñar, non participou nesta xornada e xa que logo perde postos na clasificación en favor de Regueiro. O troita brava segue  en moi boa racha cara arriba, as súas obligacións laborais obrigábano a rematar axiña  e daquela xogou as súas carreiras sen presa pero sin pausa e foise con oito puntos no peto.

Si á falla de Guille en “Os Outros” engadimos a irregular xornada do resto de compoñentes,  temos como resultado que os “Billardeiros Musicais” pegan un brinco ata os 13 puntos de vantaxe. Nada definitivo xa que como se soe decir ainda está o capador enriba da cocha, e esta cocha e moita cocha!  pero a xanela pola que se olla o ceo xa se ve mais perto.

Os tres primeiros co omnipresente Flores

O xornada rematou con empate a 9 puntos entre Juan (Billardeiros Musicais) e Rodrigo (M de Meira), que se desfixo en favor de Juan.

O 3º posto foi para Markytos (Billardeiros Musicais) con 8 puntos logo de gañar o desempate co seu compañeiro Franco, con Carlos (Toitas Bravas), con Mondoñedo (Bitere-Ekipa) e con Outeiro (Corredoiras).