O "año mouro" para Riboutros

Xa enxoitos da tremenda molladura ca que fumos bendecidos na pasada disputa do “Año Mouro” e con tempo dabondo para reflexionar  e tirar conclusións sobre o acontecido ao longo do torneo, dispoñemonos a dar  conta polo miudo do desenrolo do tan afamado Torneo Interparroquial de billarda 2012.

Unha vez marcados os tres campos deo en chover, primeiro a modiño de igual xeito que iban chegando os palanadores a Devesa, logo mais forte.  Agardando nos vestuarios vemos asomar unha bandeira e termando do mástil, Hevia e a sempre benvida sidrina encabezan a delegación astur: Puxa Asturies…! , e de “tropa de Meira” non hai novas.

 Saiu o sol un anaquiño e aproveitamos para voltar a marcar. Donde están os de Meira?, seica se pasaron e van cara ao Leste. Marcos co móvil na orella dalles instruccións.

Non se pode agardar mais e comenzamos a xogar os que estamos no campo, as carreiras que non se xoguen quedan pendentes para cando cheguen,  a raiola de sol que temos enriba convídanos a comezar xá si queremos ir a comer a una hora axeitada.

Con case dúas horas de retraso e logo dun par de “culines de sidra” comeza a loita polo año mouro (para o vindeiro ano, se non se consigue mouro, pintámolo o cambiamolle de nome o torneo). Cada equipo irá enfrontándose por turno a cada un dos outros cinco en competición e a suma final dos puntos que cada equipo consiga, dará o gañador do año.

As apostas non estaban claras, a primeira vista Ribilleiros e Riboutros partían como favoritos si ben Meira e Remourelle  viñan a por todas, logo faltaba comprobar se o rendemento no campo de “Compromiso LNB” estaba acorde cos mensaxes que lanzaban dende tódolos faladoiros. De Astur-Liriu nin chiu se dixo, é sempre una incógnita que so se despexa no terreo de xogo.

No ceo da Devesa comezan a voar as billardas en dous dos tres campos dispostos:

Campo 1 Asturias Vs. Compromiso LNB. Encontro mais igualdo do que cabia agardar, soio na derradeira rolda os asturianos se viñeron abaixo e perderon por 23 a 27

Campo 2 Remourelle agarda pola chegada de Meira e cando finalmente chegan fanlo arrasando a Remourelle que non dan creto ó empuxe dos tropa e tarda en reaccionar de xeito que acaban perdendo por  28 a 22.

Campo 3 Ribilleiros Vs. Riboutros. O campo que desperta mais expectación por ver o enfrontamento entre os dous equipos punteiros do Norleste; quen gañe dará un gran paso cara o Año. Comezan dominando Riboutros mais so puntualmente e non tardan en verse superados e fican caendo por 29 a 21.

Faise outro enfrontamente antes de xantar  e aprovietando que, de momento, a choiva se foi alonxando resultando que Meira gañou a Asturias por 31 a 19, Ribilleiros fixo o propio con Compromiso LNB por 26 a 24 e Riboutros a Remourelle por 31 a 19.

Os de Meira verquian euforia ameazando ficar ca hexomonia dos equipos ribadenses, en Compromiso tamen a autoestima andaba pola nubes ao porlle as cousas difíciles e ter perdido so por 2 puntos cos Ribilleiros, o resto sin euforias excesivas,  só Remourelle  semellaba ter perdido o rumbo, acusaron en demasía a derrota fronte os de Meira. Quedaba toda a tarde para recompoñerse e voltar a senda da victoria.

Parada para xantar e reponer forzas; aquí non houbo gañadores nin perdedores, todos en perfecta armonía demos conta dunha mesa ben disposta e abundante donde non faltou de beber e logo de escoitar e rir os obrigados contos de Flores secundado desta volta por Richard, voltamos  a competición mais contentos que un San Luis.

De novo tivemos que pintalos campos antes de comenzar a xogar por mor da choiva que xa non nos abandonou perante toda a tarde e iba increscendo sen presa pero sen pausa. Nin por esas, estábamos como sopas pero o xogo non se detivo. Cada carreira iba acompañada de escorregadas polo prado e de brincos festeiros. Canto mais choiva mais festa!

Non sei se por mor da auga ou calqueira outro bebedizo, o bo facer dos tropa pola mañan rematou de súpeto. Os Ribilleiros puxéronos no seu sitio gañandolles e os Riboutros ficaron por darlles una boa malleira. Tiveron que se conformar co 3º posto na xeral.

Ao remate os resultados dos enfrontamentos entre os seis equipos foron:

Ribilleiros (na liga Billardeiros Musicais) gañaron os 5 enfrontamentos.

Riboutros (na liga Outros), gañaron 4 dos 5 enfrontamentos.

Tropa de Meira gañaron 3 dos 5 enfrontamentos.

Compromiso LNB (na liga Ekipa-Biteres + Nacho) gañaron 2 dos 5 enfrontamentos.

Astur-Liriu gañou 1 dos 5 enfrontamentos.

Remourelle non gañou ningún dos 5 enfrontamentos.

Nembargantes, ainda que non gañaron ningún partido, si se levaron o queixo que se sorteaba, Lucia foi a agraciada.

Resultado final do aberto por puntos acadados:

1º Riboutros con 164 puntos que o acreditan como “dono do año Mouro 2012”

2º Ribilleiros con 148 puntos.

3º Tropa de Meira con 134 puntos.

4º Astur-Liriu con 101 puntos.

5º Compromiso LNB con 98 puntos.

6º Remourelle con 95 puntos e que recibe a “Cullere de pau” como derradeiro clasificado.

Decir tamen que na clasificación individual  o 1º foi Markytos con 44 puntos, seguido de Guille con 41 e de Eric con 36 puntos. O derradeiro posto individual non vou decir quen foi porque como se soe decir o caso é participar e podo asegurar que ainda que a diferencia en puntos sea grande, todos non rimos, todos non mollamos e todos xogamos a billarda que é do que se trata. Forza Estornela!  Adiante co Varal! 

A año xa está a bo recaudo en espera de poñerlle data para saborealo na taberna de Lola. Deica