Logo do exitoso aberto da
tarta de Mondoñedo e facendo camiño cara a capital donde se celebrará o
vindeiro 16 de marzo ó “VI Aberto cidade de Lugo”, a LNB fixo unha parada, non para tomar folgos,
que nos sobran, senón para dar continuidade ao ALL STARS.
Premios para os gañadores |
Unha
competición-exhibición que tódolos anos vimos facendo en escearios itinerantes
e que no 2013 recalou en Muimenta donde a asociación Carabullo se encargou de
xestionar de forma maxistral coma sempre.
TRIPLAS, MATES E ABERTO DAS
ESTRELAS, fixeron a ledicia de tódolos palanadores e xiareiros que se achegraon
ata o pavillón deportivo Javier López Anllo de Muimenta.
O comezo estaba fixado para as12,00 h. dar a saída co concurso de triplas,
pero como nos, da puntualidade inglesa nin mentala, comezamos cando se puido e dando
ainda posibilidades aos mais rezagados para que poideran participar cando
chegaran. Así pois arrincou o ALL STARS 2013.
A primeira proba da xornada
foi o lanzamento de triplas: 25 billardas
ao redor da liña de área agrupadas de cinco en cinco,e un minuto de
tempo para facer as mais dianas posibles no varal. Proba de rapidez e puntería que
dominou Daniel, de Billardeiros Musicais. Para o segundo e terceiro posto
tiveron que facer rolda de desempate Miguel Moran de Carabulo e Javi de
Remourelle Bulls (a nova fichaxe que comeza forte a súa andaina). Ó novato
pesoulle a responsabilidade e non puido completar un bó recorrido, maila todo o
terceiro posto é todo un logro.
- Vaia ohh! Xa son as dúas e vinte!
- Carapio, que
tarde se fíxo!
- Daquela imos
comer! Dixamos os mates para a tarde.
E valaí que saímos a fume de carozo para nos axeitar ao redor da mesa. Non
houbo que agardar por ninguén.e seguimos puntualmente o dito aquel de “o pan que sobre a carne que abonde o viño que non falte e alegría que abaste”
Logo de ben comidos e ben bebidos, retomamo la competición co concuros de
Mates.
Aquí os palanadores/as
amosaron inxenio e moita habilidade no
dominio do palán e das billardas. Foron moitas e variadas as figuras e
atrevemenos dos xogadores. O xurado deo estos postos: 1º Markytos (“Billardeiros
Musicais”) co mate “dous por un”. 2º Miguel-Diego (“O Cadaval”) co mate “pé,
peito e dentro” e 3º Daniel-Geni (“Billardeiros Musicais”-”Os Outros”) co mate “zúrralle
ao poste”.
Coño! Teño que pensar un mate para o ano. |
A continuación disputouse o
aberto das Estrelas. Cada palanador disputou cinco carreiras para acadar ó máximo
de puntos posibles.
...ainda me queda o aberto |
So un pleno: Coedo de “Billardeiros Musicais” doblegou a tódolos rivais e
fíxose ca cachucha do porco. No segundo e terceiro posto quedaron Xosé de “Tropa
Lixeira” e Alberte de “Cochiqueiros” logo dun desempate con Xermán, Tonecho e Oscar que
quedaron fora do podio.
Os Billardeiros Musicais de Ribadeo fíxeronse cos primeiros postos en tódalas categorias. Noraboa pois, a eles, a organización e a toda a tribu billardeira que mais unha vez deu mostrou que cando se quere, pódese.
Tódolos premiados no ALLSTARS 2013, recibiron os premios correspondentes, a cachucha, os uños e os rabos de porco xunto cunhas artísticas e exclusivas bandexas de diseño. Billarda sempre, adiante co Varal.
Tódolos premiados no ALLSTARS 2013, recibiron os premios correspondentes, a cachucha, os uños e os rabos de porco xunto cunhas artísticas e exclusivas bandexas de diseño. Billarda sempre, adiante co Varal.
No hay comentarios:
Publicar un comentario