Ponte de Outeiro,
Muimenta 19 outubro de 2013
O agardado aberto “A terra
non se vende”, de Ponte Outeiro non defraudou a ninguén; pola contra, foi moi
numerosa a presencia de palanadores/as que con puntualidade desacostumada se achegaron ao lugar.
Por mor da cantidade de
auga que nos deixou a noite pasada e que o chan non foi quen de zugar na súa
totalidade, numerosas pozas quedaron a vista e daquela foi preciso acortar as
pistas de xogo para alomenos ter un punto de saída aceptable.
Os equipos tiñan adiantado
a lista de xogadores polo que se puido facer o sorteo inmediatamente e menos
mal, porque ainda así casi nos colle a noite ca xornada sin rematar. Nas carreiras de desempate para os primeiros
postos xa non era doado acertarlle a billarda por falta de luz natural.
Cos primeiros golpes xa se
puido ver a dificultade para levantar a billarda, subliñadamente na pista a
carón do río que una volta tras outra poñía en perigro a estabilidade dos
palanadores/as, ata tal punto que mais de un deu de fuciños no chan logo de
facer incribles piruetas tentando manter sin éxito a verticalidade.
Por mor de todas estas
dificultades, ninguén foi quen de acadar o pleno nesta xornada e a colleita de
“varados” foi pequena, so tres varados en toda a tarde; quen o tentou una e
outra volta sin sorte foi Pepe de Meira, especialista en tiros longos e non
tanto nas distancias cortas. Os incribles erros a pe de varal privárono do
pleno en Ponte Outeiro, estou certo que lembrará esta xornada por moito tempo.
Como positivo temos que
subliñar a incorporación dun novo equipo a liga do NorLeste: Os Cruzados, un
equipo mixto, xoven e dinámico que engadiron frescura e loitaron bravamente.
Parabéns.
Tamén os equipos de Madia
Leva e O Cadaval estiveron presentes neste aberto, pero sin dúbida quenes mais
se fixeron notar foron os Carabullos.
Donde quera que puxeras a
ollada non se vía mais que auga no chan e carabullos a feixes… carabullos de
buxo, carabullos de teixo, carabullos de toxo…
madialeva!... con tanto carabullo quen iba gañar? Por suposto…os
carabullo!! e por riba xogaban na casa. ASI NON SE PODE HOM !
Naide llo puxo fácil
nembargantes, si o quixeron tiveron que loitalo carreira a carreira de xeito
que so un deles, Charli, foi quen de chegar
con posibilidades de pleno a derradeira carreira; acompañarono nesta
xesta Xerman de Ekipa Bitere e Kiko de O Cadaval.
Xermán quedou fora da loita
ao verse superado por Pepe Outeiro que ata o momento mantiña o seo casilleiro
con cero puntos.
Pola súa banda Regueiro
tiroulle un empate a Charli e Chousa fixo o propio con Kiko, de xeito que
ninguén fixo pleno pero este empate si lles permitiu loitar polos postos de
honra nun desempate cos outros tres palanadores que tamén acabaron con nove
puntos e que foron Franco de Billardeiros Musicais, Cortón de O Cadaval e Noé
de Troitas Bravas.
En canto as donas, tamen
sufriron dabondo e en xeral baixaron o rendemento, so Reyes (que recuperou o
terrero perdido en Burela), Maricarmen e Ana aguantaron o tipo ata o final.
Nas dúas carreiras de
desempate e co oscuro manto da noite gañando terreo con pasos de xigante, foi
donde Charli meteu a directa, con dous varados que mais que verse, ouvíronse,
saiu como Campión deixando a Kiko no
segundo posto e Noé pechou o podio.
Por equipos foron os locais
“Carabullo de Teixo” quenes se auparon ó primeiro posto na xornada ao sumar un
punto mais que os “Billardeiros Musicais”, estos nembargantes siguen ao fronte
da clasificación.
Os gañadores recibiron como
agasallo uns fermosos e orixinais trofeos, una árbore e mais una botella chea
de fabas de O Guardarríos. A equipa vencedora levouse unha cesta con productos
ecolóxicos.
E para finalizar a xornada
unha convidada con petiscos e viño para todos e como logo da panza ven a danza,
pois eso, soaron as gaitas e as panderetas que deron pé os bailes e os cánticos
perante un bo anaco. Todos contentos e ca “satisfacción do deber cumprido”,
abandoamos o lugar xa pensando na próxima cita que será na praza dos fornos de
A Pontenova o sábado 26 de outubro. Agardamos por todos vos.
Parabéns a todos pola
puntualidade, a ver si conseguimos seguir así, so me queda recordar que as medidas do palan son 60 cms. de longo por entre 1,5 e 3 cms, de groso e as da billarda entre 18 e 25 cms. de longo por entre 1,5 e 3 cms. de groso e digo esto por varias queixas que xurdiron e ainda que nadie fixo reclamación non quita que no sucesivo se fagan e haxa que retirar os puntos a xente que non usa o material axeitado. O regulamento é para todos e temos que cumplilo.
No hay comentarios:
Publicar un comentario