4ª xornada da LNB
NorLeste. San Miguel 14.11.15
Ismael de Outeiro, un tapado que asoma.
O bo tempo do que
vimos disfrutando nas derradeiras datas, rematou ca incertidume de donde se
xogaría o “Aberto de Flores” e ainda que o venres caeron unas pingas, o sábado
voltou lucir o sol e daquela poidemos xuntarnos os palanadores da NorLeste a
carón do campo de fútbol de San Miguel para disputar a cuarta xornada da Liga
regular de billarda.
Boa afluencia de
xogadores ca inagardada visita de Tere do equipo Casilledín de Ribadumia (que
se animou a participar con nos no aberto) e mais Aitor (este non se resistiu a
probar co palán mais finalmente abstívose de xogar).
Cando a metade das
carreiras iban xa aló, sorprendeunos agradabelmente Flores, que mentres agardaba
que lle tocara xogar o seu grupo, fixo unha escapadiña e voltou traendo consigo
un par de potas cheas de castañas asadas, ainda quentiñas que fixeron as
ledicias de palanadores e siareiros. Que ben viñeron para acompañar as birras
que estábamos a tomar!
Isto é a billarda:
xogo, deporte, competición, amizade, foliada, camaradería…
Sin prisa pero sin
pausa os enfrontamentos nos seis grupo, foron sucedéndose con relativa
axilidade e malia que no prado se comenzada a notar a humidade da nacente xeada,
fumos quen de rematar mentres a luz do día comenzaba paseniñamente a esmorecer.
Logo das cinco
carreiras regulamentarias, cinco palanadores destacaron por riba dos demás e
remataron empatados a 23 puntos, estos foron Daniel e Manolo Pozo (Billardeiros
Musicais), Regueiro (Troitas Bravas) e Migho e Isma (Carabullo de Teixo), que xogaron
outras tres carreiras para desfacer o empate e ver quen subía o podio da
xornada.
Regueiro non
participou no desempate e Migho errou mais do debido co que quedou fora.
A Isma que estivo
xogando toda a tarde de forma maxistral, non lle temblou o pulso cando na
segunda carreira errou Daniel e aproveitou para coller vantaxe e facerse de
forma brillante co primeiro posto nesta 4ª xornada da LNB. Segundo foi Daniel e terceiro Manolo Pozo.
En donas a mellor foi
de novo Geni (Billardeiros Musicais), seguida de Paula (Cruzados), Bea (Troitas
Bravas) e Lola eiras (Extensión billarda.)
Por equipos,
dominaron a xornada os Billardeiros Musicais.
Artísticas pedras da
Praia de Reinante, rotuladas por expertas mans e acompañadas cada unha delas
por un saqueto de castañas, foron os agasallos que os gañadores recibiron de
mas do seleccionador nacional e anfitrión do aberto Manolo Flores.
Lembrando a Curros en
Nouturnio (A noite pechaba i o raio da lúa, nas tépedas cumes comeza a brilar…)
liscamos do lugar ca satisfacción do deber cumprido:
Novamente a BILLARDA foi a estrela no campo das Valgas de
San Miguel de Reinante!! Billarda sempre! Adiante co Varal!
A vindeira cita será
o 28 de novembro en Pillarnu ou Piedras Blancas (Avilés) para a disputa da IX
Copa Cantábrica fronte a potente selección astur.
No hay comentarios:
Publicar un comentario