Mosteiro 24 marzo 2018
Nin os elementos
puideron con Charli, virtual Campión da tempada.
Celebrouse o sábado a décima xornada da liga regular da conferencia
NorLeste. Foi na, sempre fermosa e nesta ocasión enchoupada, carballeira de
Mosteiro, onde so a afouteza e o atrevemento desta raza de xente que compoñen a
multicolor serpe da LNB, foi quen de sacar adiante unha xornada en condicións
tan adversas. O frío, a choiva e o vento non foron quen de botar atrás a estes
arroutados do palán.
Non
cabe dúbida de que a influencia de “Hugo” condicionou o rendemento dos xogadores
e mais de un bicou o chan mol tentando pillar unha billarda que, lonxe de
seguir a traxectoria que o palanador desexaba, tomaba vida propia e brincaba
por onde lle petaba.
Nun
escenario tan esixente, puntuar en cada carreira era empresa de titáns e so
catro dos mais de medio cento de palanadores que se deron cita, acadaron unha
puntuación por riba dos vinte puntos. Foron estos: Charli dos Carabullo de
Ponte de Outeiro, que con vintecatro dos vintecinco puntos en xogo, gañou o
aberto con todo merecemento e casi definitivamente (a falta so de dúas
xornadas) se fai co campionato da conferencia.
Segundo
foi Regueiro de Troitas Bravas da Pontenova, moi seguro toda a tarde. Acadou
vintedous puntos, que lle permiten subir a terceira plaza da xeral e terceiros
con vinteún puntos foron o Billardeiro Musical Manolo Pozo e Pepe de Outeiro
dos Chainzo-Cadaval.
Houbo
un varado na xornada, acadado por Angel de Billarda Verde (Castro Verde).
As
donas non foron axenas as dificultades e tiveron que redobrar esforzos para
batérense contra os elementos. Destacaron por riba das outras, Geni de
Billardeiros Musicais, que xa posúe o título de campiona da tempada (non matematicamente,
pero con trinta e sete puntos de vantaxe nun ten quen lle tusa). Segunda foi
Paula e terceira Lorena, ámbalas dúas de Chainzos-Cadaval.
En
equipos, hoxe os gañadores foron, Chainzos-Cadaval, seguidos de Carabaullo e
Troitas Bravas (con mesmos puntos os dous).
Ainda
que o tempo foi cativo, alomenos os trofeos foron merecedores do esforzo
realizado. Astesanais figuriñas saídas das artísticas mans de Manu de Polka,
puxeron un sorriso nas sufridas caras dos esforzados palanadores.
A penúltima xornada
xogarase na Ponte de Outeiro o 21 do vindeiro mes de abril.
Se queres probar,
ainda estás a tempo. Non te arrepentirás. Saúde e billarda sempre!
No hay comentarios:
Publicar un comentario