Zoan as billardas en Castroverde

      1ª xornada da LNB NorLeste. Castroverde 25.09.22

          A “VI edición do Trofeo das Noces” que organizan os compis de Billarda Verde, foi o primeiro estalo da nova tempada de billarda da conferencias NorLeste.

O campo en perfecto estado.

       Disque algún trasno estivo de troula o sábado a noite polo campo de fútbol da Veiga do Olmo, desfacendo o marcaxe das pistas, mais o equipo capitaneado por Seixas, andivo lixeiro e foi quen de arranxa-la desfeita para que o comezo da liga non se demorase mais duns escasos minutos.

Charli, quedou as portas do podio.

     A billarda goza de excelente saúde e así o demostra a concurrencia nesta primeira xornada que superou ampliamente os sesenta participantes (46 homes, 14 donas e 3 nenos).

Manu Pozo terceiro clasificado

       Un comezo de tempada espectacular donde Manu Caldeiro (ex-Carabullo e un dos novos fichaxes estrela do equipo anfitrión) foi quen de acadar un formidable ”varado” no seu primeiro golpe da billarda e amais o gañador do aberto (Sachas de “Troitas Bravas”) tamén foi quen de facer un pleno nas cinco carreiras (25 puntos de 25 posibles).

      Javi Morán (Carabullo) e Manu Pozo (Billardeiros Musicais) foron os que subiron o segundo e terceiro caixón, logo de superar nun desempate a catro a Pablo Lobo (Castiñeiro Milenario) e mais a Charli (Carabullo).

Pablo (Lobo) tamén quedou as portas

         En donas foi Aroa (Billardeiros Musicais) que cos seus recentes catorce anos, deixaba aos infantis e entraba pola porta grande na categoria de maiores facendose co primiero posto de donas (21 puntos) por diante de Irea de (Carabullo) e Ana (Madia Leva).

O trio de cativos atentos o xogo

        En infantís Madía Leva conseguiu un pleno co seu tridende de xoves promesas, por este orden Diego, Mateu e Maré.

       E por equipos, os Billardeiros Musicais de Ribadeo, superaron a Troitas Bravas e a Carabullo sendo os primeiros líderes desta nova tempada billardeira.

Javi Morán foi o segundo clasificado

       Ca entrega dos trofeos correspondentes, deuse por rematada esta emocionante primeira xornada da LNB NorLeste na parte deportiva, xa que de seguido non podíamos deixar Castroverde sin a obrigada degustacion do pulpo a feira. Saude e Billarda sempre!

  A seguinte xornada xa o vindeiro domingo 2 de outubro en A Pontenova.