9ª xornada da LNB NorLeste

IX ABERTO  “A TERRA NON SE VENDE”   Muimenta 16 de abril de 2022

Bonxe nun lance do xogo

    O campo a beira do rio en Ponte de Outeiro quedouse pequeno para acoller a novena xornada da LNB da conferencia NorLeste. O equipo local de Carabullo con bo criterio, trasladou o aberto o campo de fútbol “O Pichón” de Muimenta donde se acadou a marca de participación da tempada, nove cativos, dezasete donas e sesenta e cinco homes se deron cita (noventa e un palanadores en total) na disputa desta xornada. A LNB medra sin parar.  

    Unha tarde soleada fixo a ledicia dos asistentes e que o campo perfectamente axeitado, lucira en todo o seo explendor.

Oscar Ponte, un dos compoñentes do "Campo da Feira" de Paiosaco

    Non faltaron compañeiros de outras conferencias. Nesta ocasión acompañounos unha boa parte do equipo “Campo da Feira” de Paiosaco que acadaron o mellor resultado dende que veñen participando na nosa liga e meritoriamente se fixeron co segundo posto da xornada por equipos, por detras dos anfitrións  “Carabullo” e un punto por diante de Billardeiros Musicais e Troitas Bravas, que compartiron o terceiro posto.

"CARABULLO" a falta dunha xornada virtual campión da tempada

    Carabullo confirmou, mais una volta,  que este ano non teñen rival. Consolidan a sua primeira posición na xeral por equipos e tamén en individual.

"Charli" en gran forma. Un paso de xigante para acadar o título de campión.

    Charli quedou segundo nun desempate co seu compañeiro de equipo Javi Moran, mais incrementa a diferencia a sete, oito e nove puntos cos inmediatos seguidores (Daniel, Sachas e Basilio). Félix completou o podio da xornada.

As tres mellores palanadoras da tempada.

    En donas Irea tamén se fixo co primeiro posto e acurta distacia na xeral con Aroa, si ben ainda está a dez puntos e ten moi traballoso desbancar a infantil dos mariñans do primeiro posto, a falta so d’unha xornada para rematar a tempada. Segunda e terceira quedaron a propia Aroa e Geni.

    En infantis dominio de Aroa, Mateu e Diego.

    A vindeira xornada xógase en Remourelle o 14 de maio e porá remate a tempada. Como é costume, neste caso os grupos non se farán por sorteo puro senon que se iran formando según a clasificación xeral. O grupo dos primeiros clasificados será o derradeiro en xogar.

    Billarda sempre e adiante co Varal.