4ª xornada de LNB NorLeste. 2021.2022

                       XI Torneo Cidade de Lugo. Aberto de billarda do Minho

 

CASTIÑEIRO MILENARIO COLOCA A PABLO LOBO NO MAIS ALTO E MADIA LEVA CÓLASE NO SEGUNDO CHANZO POR EQUIPOS.

         O domingo 13 de novembro de 2022  celebróuse a 4ª xornada da LNB da conferencia NorLeste. Foi no campo de fútebol de Nadela, en perfectas condicións para a práctica da    billardadonde e donde se deron cita 86 palanadores de tódalas idades (53 homes, 20 donas 11cativos).

Mark, un dos atractivos desta tempada, con golpes e movementos de crack.

         As previsións de auga non se cumpriron e tampouco arredaron aos valentes palanadores que puntualmente  se achegaron ao campo de batalla (deportiva se entende) para rematar unha xornada histórica.

Pablo Lobo, o gran tiunfador da xornada.

       Histórica foi para Castiñeiro Milenario que estrea podio con Pablo Lobo aubeando no mais alto e ca consolidación do equipo anfitrión “Madia Leva”, como equipo revelación, que tenta achegarse aos tres dominadores da liga. Hoxe foron segundos a tan so catro puntos dos  Troitas Bravas que gañaron  e un punto por riba dos terceiros, os  Carabullo.

O pequeno "Grande equipo de Castiñeiro Milenario" moi ledo co trunfo de Pablo.

      Estranamente as grandes estrelas da liga Norleste, Charli, Sachas, David Navallo, Manu Caldeiro, Regueiro, Manu Pozo, etc. hoxe estiveron mais apagadas do que soen estar e non se luciron nas puntuacións e en consecuencia, houbo lixeiros bailes entre os dez primeiros clasificados da xeral, ainda que non moi significativos. 

Pablo Lobo, escoltado por Chousa e Alvariño no podio de hoxe.

     A Pablo Lobo (23 puntos), acompañouno Chousa como segundo, desaparecido xornadas astrás, semella que volve a senda dos elexidos e o irreductible Carlos Alvariño foi terceiro e puido finalmente lanza o seu ritual Auuuuú... desde o terceiro chazo do podio.

Ana, foi segunda en donas

     En donas, Geni (Bill.Musicais) foi a millor da xornada, a local Ana segunda e Irea (Carabullo) terceira.

Os infantís demostran a sua calidade en cada aberto.

      Na categoria infantil,  Antia (Troitas Bravas) que ven mellorando aberto tras aberto, colouse meritoriamente entre as figuras locais Mateu e Diego.

O equipo anfitrión "Madia Leva".

Os anfitrións “Madía Leva” tiñan dispostos uns artísticos e artesanais agasallos que entregaron aos tres primeiros clasificados e mais o equipo campión da xornada.

A seguinte xornada está programada para o 26 deste mismo mes en Mondoñedo. Un sábado no que tentaremos de dar comezo as 15:00 h. para non ter que rematar cos fachos acesos. Saude e billarda sempre!