GRAN ABERTO NACIONAL DA LNB

MILIO VESTIUSE DE COROCEIRO NUNHA HISTORICA XORNADA 

O CASTIÑEIRIÑO-SANTIAGO DE COMPOSTELA

    No campo de futbol do club Atlético Fátima, o domingo 11 de xuño de 2023, disfrutamos dun espectacular día de billarda, lembrando aqueles abertos polos títulos nacionais que se viñan celebrando anualmente entre tódalas conferencias e que se truncaron entre outras causas por mor da pandemia.

    Houbo representación dos equipos de "APB Santa Marta" A Laracha, "Filloas de Sangue" A Coruña, "Troitas Bravas" A Pontenova, "Castiñeiro Milenario" Begonte, "Corredoiras" Bueu, "Chainzos-Casdaval" Castro de Rei, "Billarda Verde" Castroverde, "Cochiqueiros" Cerceda, "Madia Leva" Lugo, "Gharaboto" Marín, "O gran Alvariño" Muimenta, "Campo da Feira" Paiosaco, "Carabullo" Ponte de Outeiro, "Rinocerontes" Pontevedra, "Remourelle Bulls" Remourelle, "Xogos Tradicionais" Santiago, "Billardeiros Musicais" Ribadeo e "Valpaços Terra Quente"  Vigo.   

Todos temos cabida na LNB

       Botamos a faltar moitas e moi destacadas figuras do mundo billardeiro e agardamos que en futuras ocasións nos acompañen nesta xornada festiva, pois foi concebida para todos os que sentimos paixón por este tradicional xogo, hoxe en día reconocido como deporte e como Gran Festa Billardeira debe seguir adiante.

    Malia as sentidas ausencias,  a xornada resultou expectacular en tódolos sentidos, voltamos a reencontrarnos con vellas amizades e gozamos dun tempo inmellorable. Oitenta e sete palanadores das tres conferencias actuais en deportiva e cordial competencia. 

     Oito grupos xogamos a maña catro carreiras en busca das posteriores eliminatorias. Os catro con mellor puntuación de cada grupo pasaron pero non facilmente, houbo moitos empates que se desfixeron nunha nova carreira e incluso a billarda longa.

        Cabe subliñar que cedo se resolveu o Campión de varados: Markytos no primeiro tiro da mañá foi quen de metela billarda polo medio do varal nun espectacular golpe. Ainda que despois algún outro como Manu Caldeiro, Ricardo ou o propio Markytos superaron os cincuenta metros, a billarda en tódolos casos saiu a rentes ou alonxada da meta desexada.

        Rematados os grupos fíxose entrega por parte de directivos de “O Varal” de unha placa a dona e fillos do recordado Mario Rodríguez (presidente que foi da Asociación de Xogos Tradicionais de Santiago de Compostela), en agradecemento e recordo do seu bo facer a prol da billarda e apoio en todo momento a LNB na celebración das finais de Santiago xa dende o ano 2008 en Conxo.

Xenderal

       De seguido sesión vermú con Xenderal e Manu Kaso Aparte que amenizaron ca súa música o xantar dos palanadores.

Manu Kaso Aparte

        Xa ben mantidos voltamos o xogo e ás eliminatorias donde irremediablemente se foi reducindo o número de palanadores con opción de podio.

          Aroa que xa era Campioa de donas, púxollo dificil a Milio mais non puido con él. Benito Resille gañoulle a Jorge logo dun desempate. Do mismo xeito Navallo desfíxose de Che previo desempate. E Manu Caldeiro non tivo piedade de Isma.  

David Navallo

        Nas medias finais cederon Resille ante Milio e Navallo ante Manu Caldeiro e daquela o terceiro posto foi para Navallo “o mago de Castropol” que se atopou mais enteiro co seu opoñente Benito Resille.

Manu Caldeiro

        A gran final entre Milio e Manu Caldeiro non tivo color. Milio mais experto e hoxe intratable, doblegou o xoven Manu (palanador este que a LNB viu nacer e medrar no seu seo ata converterse nun dos grandes de hoxe en día) e alonxoulo dos laureles do triunfo e da Coroza da LNB..

Milio

        Xornada triunfal de MILIO que fixo historia non no individual ao proclamarse Coroceiro Nacional 2023 mais tamen co seu equipo.

Remourelle Bulls

        A súa gran actuación, xunto ca aportación de Jorge, Muriego e Xermán deulles os “Remourelle Bulls” de Remourelle o segundo posto por equipos por detrás dos super super “Troitas Bravas” (A Pontenova) e por diante do “Corredoiras” de Bueu.

Troitas Bravas

        Este resultado dos Bulls de Remourelle, ten un sabor especial e ven a premiar o esforzo e a costancia dun equipo pioneiro e fundador da LNB que pasou por grandes momentos e outros non tan bos pero que sigue estando no mais alto. 

Elena, Aroa, Geni

        En donas como xa dixemos, a xoven estrela dos Billardeiros Musicais Aroa foi a mellor e a súa compañeira de equipo e tricampioa nacional asidua os podios Geni,  foi terceira, sendo Elena dos “Gharaboto” de Bueu, outra das grandes figuras de sempre da LNB a segunda clasificada. 

        En Infantís, Antía dos “Gharaboto”, Valentin de ”Filloas de sangue” (A Coruña) e Antía de “Troitas Bravas” foron os mellores. 

 Presidente do Atlético Fátima

        Ao remate tamén se fixo entrega de unha placa ao Presidnete do Clube Atlético Fátima pola sua boa disposición con a LNB es facilidades que nos da para usar o campo. Graciñas.

       E damos por ramatada con este super aberto a tempada 2022/2023, agora algún abertiño de verán, mais relaxados, e a preparar xa a seguinte para seguir medrando. Billarda sempre e adiante con Varal!