COMEZO DA TEMPADA 2023-2024

 1ª xornada da LNB NorLeste. Castroverde 24.09.23

O RAPOSO PLATEADO TIVO O COMEZO DESEXADO 

    Ca “VII edición do Aberto das Noces” organizada polo equipo de Billarda Verde no campo da Veiga do Olmo de Castroverde, arrincaba unha nova tempada de billarda da conferencias NorLeste.

Os actuais campións, reláxanse cos chistes de Muriego

     Día extraordinario para a práctica deportiva que xuntou un total de setenta palanadores de oito equipos diferentes (48 homes, 16 donas e 6 cativos). Competencia deportiva, camaradería e bo rollo  

     Presenteouse un novo equipo, “Billarda Rio Miño” composto todo él por vellos coñecidos e compañeiros que voltan a que sempre foi súa casa pola porta grande, con outro nome, mais ca misma forza e gañas de sempre. Bo papel por equipos e, Cortón “o zorro plateado” fíxose co primeiro posto cun pleno de 25 puntos. Benvidos e noraboa compis! 

2º Charli- 1º Cortón- 3º David Navallo

     O segundo e terceiro caixón foron pa Charli (Carabullo) con 23 puntos e para David Navallo (Troitas Bravas) con 22, si ben este tivo que desfacerse de Basiliio (Billardeiros Musicais) nun reñido desempate.

Billardeiros Musicais - Ribadeo

    Por equipos, o primeiro golpe dano os Billardeiros Musicais de Ribadeo por diante de Troitas Bravas de A Pontenova e Madia Leva de Lugo.

     Os mariñáns ca volta  de Markytos, deron primeiro e son de novo serios aspirantes o título. Contan cun equipo femenino moi forte, hoxe non estivo Aroa, mais  Dori e Geni coparon o podio e so deixaron o terceiro caixón valeiro para que o ocupase unha das grandes promesas de Troitas Bravas, a infantil Alba.

     En infantís, non cambia o conto; Madía Leva ten a dous fenómenos que dan sempre a de cal e lles poñen dificil as cousas os mais veteráns, Diego e Mateu, Mateu e Diego, que tanto monta..., o terceiro posto foi para Alba.

     Seixas, do equipo anfitrión, fixo entrega de artesanais trofeos e dun saqueto de noces os gañadores.

  A seguinte xornada xa o vindeiro domingo 22 de outubro en A Pontenova

 Saude e Billarda sempre!